E fundit!

12:23 Kosova & Bota

Europa në “valën e vdekjes”/ Temperaturat rekord shkaktojnë kaos dhe humbje jete

Një valë ekstreme e të nxehtit ka përfshirë Evropën, duke ...

Luhet sfida e titullit, Tirana dhe Kukësi publikojnë formacionet zyrtare

6 Korrik 2020, 15:16, Sport CNA

Do të startojë në orën 17:45 supersfida mes Tiranës dhe Kukësit e vlefshme për javën e 32-të të Kategorisë Superiore. Verilindorët kanë javë që mbetet në ndjekje të bardhebluve në luftën për titullin kampion dhe sot është treni i fundit për verilindorët për të mbetur në lojë për kurorëzimin si kampion.

Njëkohësisht ky duel është edhe për Tiranën një mundësi e mirë për të ?vrarë? përfundimisht kampionatin, pasi duke evituar humbjen, e kanë të finalizuar titullin e 25-të në historinë 100-vjeçare të klubit.

Si për koincidencë, të dyja ekipet drejtohen nga ish-portierë, të cilët si lojtarë e kanë provuar shijen e kampionit dhe tani duan që këtë medalje ta varin në qafë edhe si trajnerë. Pa dyshim më pranë është Emanuel Egbo, ndërsa Orges Shehi, i cili mori drejtimin e Kukësit pas largimit të Shpëtim Duros ka sot ?trenin e fundit? për kampion me verilindorët.

Por për ish-portierin kampion të Skënderbeut, fitimi i Kupës së Shqipërisë me Kukësin do të ishte një shans për t?u konfirmuar si trajner, por edhe për të përmbushur kushtin e presidentit Gjici, i cili ka kërkuar që të fitojë të paktën njërin nga trofetë.

Të dyja ekipet janë në lojë për të dy trofetë, titull kampion dhe Kupë Shqipërie, por bardheblutë duken disi më të favorizuar për të përmbushur egot e klubeve dhe vetë dy ish-portierëve që drejtojnë pankinat respektive.

Të dy trajnerët kanë bërë publike edhe formacionet zyrtare ku nuk mungojnë surprizat. Batha dhe Doka janë 2 mungesat e rëndësishme të bardhebluve, ndërkohë trajneri Shehi nuk ka në dispozicion bomberin Vasil Shkurtaj.

FORMACIONET ZYRTARE:

TIRANA: Lika, Vangjeli, Muça, Hoxhallari, Ismailgeci, Çelhaka, Karabeci, Kobina, Torasa, Kale, Ngo. Trajner: Emanuel Egbo

KUKËSI: Xhika, Kotobelli, Lulaj, Krasniqi, Maliqi, Musolli, Limaj, Rroca, Abazaj, Ethemi, Koper. Trajner: Orges Shehi

GJYQTAR: Kreshnik Bajrami (Tiranë)