web counter
LEXO PA REKLAMA!

SHKARKO APP

App Store
Google Play

E fundit!

x

Orges Shehi qetësohet disi, 2 lojtarë të rëndësishëm gati ndaj Tiranës

5 Korrik 2020, 12:49, Sport CNA

Ditën e nesërmë Kukësi luan ndeshjen vendimtare për të mbajtur gjallë shpresat e titullit. Skuadra e Shehit do të ketë përballë Tiranën, të avantazhuar prej 9 pikëve më shumë, por disi ?të trullosur? nga gjithë polemikat pas ndeshjes me Bylisin në Kupë. Kukësi ka probleme në repartin e sulmit. Në ndeshjen e shkuar në Kupë ndaj Teutës u dëmtuan dy sulmuesit, Kuper dhe Shkurtaj.

Lëndimi i këtij të fundit shihet të jetë serioz dhe prezenca në ndeshjen e nesërme është e pamundur, madje diskutohet edhe mbyllja e sezonit. Të paktën për Shehin ka lajme të mira nga sulmuesi i dytë, Kuper. 22-vjeçari zëvendësoi Shkurtajn në fund të përballjes me Teutën, por iu desh të dilte edhe vetë në fund të ndeshjes për shkak dëmtimi.

Megjithatë, pas ekzaminimeve dhe trajtimit të mjekëve lajmet janë të mira dhe Kuper është i gatshëm për Shehin në ndeshjen e nesërme ndaj Tiranës (17:45). Një lajm i mirë është edhe kthimi i Edis Maliqit. Anësori nuk luajti në ndeshjen e fundit në kampionat ndaj Bylisit për shkak kartonësh, por tashmë dënimi është shlyer dhe 25-vjeçari është një alternativë për trajnerin Shehi.





Lajmet e fundit nga