web counter
LEXO PA REKLAMA!

SHKARKO APP

App Store
Google Play

Ish-deputetja studente e LSI ngre akuza/ “Tempulli i dijes është kthyer në vendin e vrasjes së ëndrrave”

5 Korrik 2020, 11:44, Politikë CNA

Ish-deputetja e LSI-së Floida Kërpaçi, ka hedhur disa akuza ndaj ministrisë së Arsimit dhe qeverisë.

Ish-deputetja që nuk ka përfunduar ende studimet dhe që përfaqëson të rinjtë në partinë ku bën pjesë, thotë se ëndrra e tyre është vrarë.

Kërpaçi denoncon se maturantët që duan të regjistrohen në universitet, duhet të paguajnë 20 mijë lekë të vjetra.

?Qeveria e konçesioneve dhe taksave e ka kthyer Ministrinë e Arsimit nga tempulli i dijes në vendin e zhvatjes dhe vrasjes së ëndrrave të rinisë shqiptare! 20 mijë lekë të vjetra është tarifa që qeveria detyron të paguhet nga maturantët dhe familjet shqiptare për aplikimin universitar! Kjo është tarifa e radhës pas kostove të mbulura nga familjet e tyre me ekonomi të dobët, për portofolet e lëndëve, mësimin online dhe kërkesa të tjera gjatë vitit.

Në vend që të rrisin cilësinë e arsimit, të krijojnë hapësira punësimi dhe të mbështesin të rinjtë, këta po i çojnë të rinjtë drejt emigrimit! Asnjë maturant nuk duhet të detyrohet të paguajë tarifa për arsim drejt një qeverie që ka luksin të shtrojë rrugë floriri, më të shtrenjtat në Europë!?, shkruan ajo në rrjetet sociale, ndërsa ka publikuar edhe një foto të faturës./ CNA.al





Lajmet e fundit nga