web counter
LEXO PA REKLAMA!

SHKARKO APP

App Store
Google Play

Tirana me laps në dorë, kampion shpallet ndaj Kukësit apo ndaj Partizanit?

1 Korrik 2020, 15:27, Sport CNA

Triumfi në Korçë ndaj Skënderbeut ishte një hap i madh për Tiranën në rrugën drejt titullit kampion. Tashmë, kanë mbetur edhe pesë finale për bardheblutë teksa në dy takimet e radhës mund të vendoset edhe zyrtarizimi i titullit. Kështu, kryeqytetasit mund ta bëjnë të tyrin trofeun të hënën e javës së ardhshme kur të ndeshen me Kukësin.

Bilanci i këtij sezoni me verilindorët është negativ duke qenë se Tirana ka fituar një ndeshje ndaj tyre dhe ka humbur dy të tilla. Si pasojë e këtyre ndeshjeve, edhe golavarazhi është në favor të verilindorëve me shifrat 6-4. Ndaj, bardhebluve për të fituar matematikisht titullin kundër Kukësit, duhet me patjetër të fitojnë me tre gola diferencë.

Nëse nuk fitojnë me tre gola diferencë, ateherë titulli mund të fitohet vetëm në ndeshjen pasardhëse, atë me Partizanin, ku do të mjaftonte edhe një pikë për të bërë festë. Ndërkohë, nëse ndeshja me Kukësin mbyllet në barazim, atëherë 24-herë kampionëve do t?iu mjaftonte të merrnin edhe katër barazime në katër ndeshjet e ardhshme.

Sakaq, nëse bardheblutë mposhten në ndeshjen me Kukësin dhe diferenca me verilindorët shkon në gjashtë pikë, atëherë në katër ndeshjet e radhës, Tiranës do i duheshin shtatë pikë. Tashmë, mbetet të presim për të parë se cili skenar do të marrë jetë.





Lajmet e fundit nga