web counter
LEXO PA REKLAMA!

SHKARKO APP

App Store
Google Play

Covid-19/ Mjeku Dasho nxjerr grafikun, ja shteti ku duhet të marrim shembull

1 Korrik 2020, 14:18, Lifestyle CNA

Eksperti i Shëndetit Publik, Erion Dasho ka reaguar sërish lidhur me situatën e koronavirusit në vendin tonë.

Teksa ka publikuar dhe grafikun e shërndarjes së pandemisë, Dasho ka sjellë dhe një shembull pozitiv të menaxhimit të koronavirusit të vendeve të tjera, që duhet implementuar edhe nga Shqipëria.

Dasho, shkruan se pavarësisht se mënyra për gjurmimin e rasteve pozitive me koronavirus, ka ndryshuar nga deviza Test-Test-Test, në Testo-Gjurmo-Trajto, përsëri testimi është baza e përgjigjes, dhe e dhëna më e besueshme, pa të cilën është vështirë të ndërtosh një përgjigje efektive ndaj Covid-19.

“NJË SHEMBULL NGA FQINJËT

Pavarësisht se 3 “T-të” e devizës Test-Test-Test kanë ndryshuar dhe ajo tashmë është transformuar në Test-Track-Treat (testo-gjurmo-trajto), testimi mbetet baza e përgjigjes. Kjo sepse, pa të dhëna të besueshme, është e vështirë të ndërtosh një përgjigje efektive ndaj COVID-19.

Që në fillimet e epidemisë, Serbia ngriti një rrjet laboratorësh që për nga balanca midis kostos dhe cilësisë përfaqësonte zgjedhjen më të mirë të mundshme në treg.

Sot Serbia teston 5-6 herë më tepër se Shqipëria dhe kurba e epidemisë në këtë vend i lejon politikëbërësve të marrin masa të bazuara mbi evidenca dhe, po ashtu, të shohin efektin e masave të marrin.

Shembujt e mirë nuk janë vetëm në Gjermani, ato gjenden edhe në vendet e ngjashme me ne. Rëndësi ka t’i evidentojmë dhe t’ua përshtatim kushteve të Shqipërisë.”/CNA.al

 





Lajmet e fundit nga