web counter
LEXO PA REKLAMA!

SHKARKO APP

App Store
Google Play

E fundit!

x

Shkatërrohen katër grupe kriminale në Korçë/ Arrestohen 57 persona, në kërkim 8 të tjerë

25 Qershor 2020, 07:05, Kronika CNA

Policia e Korçës bën të ditur ditur se në kuadër të operacionit ?LIMIT?, u shkatërruan 4 grupe kriminale në fushën e narkotikëve.

Sipas uniformave blu, janë arrestuar 57 persona dhe u shpallën në kërkim 8 të tjerë, si dhe u sekuestruan kanabis, kokainë, laboratorë për kultivimin e bimëve narkotike, fara kanabisi, fishekë luftarakë, si dhe janë asgjësuar parcela me bimë narkotike të kultivuara.

?Nga shërbimet e Komisariatit të Policisë Devoll, në bashkëpunim me DVP Korçë, është kapur një prej personave të shpallur në kërkim në kuadër të këtij operacioni.

Vihet në pranga 40-vjeçari K. H., pjesë e njërit prej 4 grupeve të strukturuara kriminale, i cili për qëllime përfitimi të grupit në të cilin bënte pjesë, transportonte emigrantë të paligjshëm, duke iu premtuar kalimin drejt vendeve të BE-së, si dhe merrej edhe me trafikimin e lëndëve narkotike.

Shërbimet e Komisariatit të Policisë Devoll, në bashkëpunim me specialistët e Seksionit për Hetimin e Trafiqeve të Paligjshme dhe Narkotikëve, si edhe me Forcat e Posaçme Operacionale pranë DVP Korçë, në vijim të punës për parandalimin dhe goditjen e veprimtarisë kriminale dhe kapjen e personave me rrezikshmëri të lartë të shpallur në kërkim, pas informacioneve të siguruara në rrugë policore dhe falë koordinimit të veprimeve, bënë të mundur kapjen e shtetasit në kërkim K. H., 40 vjeç, banues në fshatin Kurilë, Devoll.

Ndalimi i tij u bë pasi Gjykata për Krimet e Rënda në Tiranë, i ka caktuar masën e sigurisë ?Arrest në burg?, për veprat penale ?Grup i strukturuar kriminal? dhe ?Ndihma për kalim të paligjshëm të kufijve?.

Vijon puna për kapjen e personave të tjerë të shpallur në kërkim.?-thuhet në njoftimin e policisë./ CNA.al





Lajmet e fundit nga