E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Edmond Budinës nuk i del inati me Ramën/ “Përdori gjuhë hipokrite, nuk e bëj tamponin e dytë”

23 Qershor 2020, 15:53, Politikë CNA

Regjisori Edmond Budina, ka folur sërish për lajmin e infektimit të tij dhe të vëllait të tij Robert Budinës.

Budina tha se as ai dhe as vëllai i tij nuk kanë asnjë shqetësim dhe asnjë shenjë deri më tani. Ai tregoi ser asnjë nga familjarët e tjerë nuk është i infektuar, ndërsa theksoi se virusin mund ta kenë marrë nga një grua që ishte në varrimin e hallës së tyre.

?Unë si tani, si dje, si pardje kam qenë shumë mirë, nuk kam pasur asnjë shqetësim. Nuk kam asnjë shenjë të tipit të virusit Covid-19. Me këtë dua të them që edhe mund të jem i infektuar me Covid-19, por ndoshta jam asimptomatik. Edhe Roberti është shumë mirë. Të gjithë jemi mirë. As gruaja e Robertit e as fëmijët nuk kanë virus.

Gruaja dhe fëmijët e Robertit dolën negativë. Insistoi ISHP që të bëjë testin, sepse në familje ndërroi jetë halla. Doli se një grua që ishte në varrim ishte pozitive me koronavirus, e pas kësaj insistuan që të bëj testin. Na bënë testin sepse na thanë se jemi kontakt i afërt, sepse në varrim ishte vëllai im Gjergji. Pas testit, dola pozitiv dhe u bë gjithçka publike?, u shpreh ai në një lidhje me News 24.

Regjisori kritikoi sërish kryeministrin Edi Rama që publikoi në media emrin e tyre si persona të infektuar dhe e cilësoi gjuhën e përdorur nga ky i fundit si hipokrite.

?Dyshimi mbetet që mund të jem i infektuar kanë thënë ndoshta për shkak të protestës sonë për Teatrin. Më lënë të dyshoj fort, sepse nuk kishin arsye pse ta bëjnë publik kur nuk e kam kërkuar. Kjo më duket e çuditshme. Si mund ta bëjë këtë gjë kryeministri, që duhet të jetë i pari që duhet të ruajë privatësinë. Kishte gjuhë hipokrite, duke thënë se na vjen keq, por ndoshta na thotë që mos dilni në protesta se këta janë të infektuar. Unë pas 10 ditësh kam të drejtë të dal. Halla ime ka vdekur që më 5 qershor e sot jemi më datë 22 qershor. Nuk do kërkoj të bëj asnjë tampon?, deklaroi Budina./ CNA.al