web counter
LEXO PA REKLAMA!

SHKARKO APP

App Store
Google Play

Debati për Zgjedhoren/ Rama e thotë troç: PS nuk është fondacioni Populli, kemi interesat tona…

18 Qershor 2020, 09:53, Politikë CNA

Kryeministri Edi Rama i është përgjigjur deputetes Rudina Hajdari, ku ajo e akuzoi se nuk i kishte mbajtur premtimet e dhëna në Kuvend, për diskutimin për listat e hapura.

Rama tha se premtimi i tij ishte dhënë në një kohë, kur opozita e rrugës, kërkonte që të merrte pushtetin me dhunë, ndërkohë që Hajdari kishte humbur kohë, pasi kishte hezituar që të bënte marrëveshjen.

Rama e tha troç se PS në fund të ditës është një parti politike, që do të vendosë më së pari dhe interesat e saj, dhe të atyre që e kanë votuar dhe e kanë mbështetur.

?Sot do të ishim duke bërë biseda të tjera dhe jo këtë bisedë që po bëjmë sot. Ka diçka në politikë që nuk kapërcëhet dhe është koha, ju kohën e kapërcyet, dhe u mjaftuat këtu me rënien e daulles këtu, ?Lista të hapura, lista të hapura?, dhe duke mos u marrë me diçka që s?merret njeri tjetër. PS nuk është fondacioni Populli, e mbani mend fondacionin populli? PS ka interesat e saj politike dhe si partia më e madhe në vend, edhe interesat e saj përputhen me ato kombëtare. Kjo temë është në zhvillim e sipër, por mua më vjen keq se e shoh në sjelljen publike të atyre që janë jashtë se kujtojnë se mund ta kalojnë lumin duke hipur në kal, duke kërkuar gjëra me kushte e pa kushte e duke na sharë e na akuzuar. Kjo është një nga shprehjet e kulturës politike, ku flamurtarët janë ata, ndaj iu drejtova më herët trashgimtarit Zotit Valteri. Mua ajo që më shqetëson që ju vazhdoni e kërkoni tek ne, atë që duhet të kërkoni tek vetja?, tha Rama nga foltorja e Kuvendit./CNA.al





Lajmet e fundit nga