E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Arlind Çaçani thirrje kolegëve/ “Jemi betuar, vota jonë të shkojë për interesin e shqiptarëve”

18 Qershor 2020, 16:06, Politikë CNA

Deputeti i opoztës Arlind Çaçani ka bërë një thirrje për të gjithë kolegët e tij në Parlament, lidhur me Reformën Zgjedhore.

Çaçani i kujton deputetëve se janë betuar se çdo veprim i tyre do të jetë në interes të popullit shqiptar dhe thotë se këtë fjalë duhet ta mbajnë.

Sipas tij, e vetmja mënrë për t?i bërë ballë presionit është uniteti i votave tona kundër ligjit elektoral pa ndryshim sistemi, pa depolitizim të administratës zgjedhore, pa votën e lirë të qytetarëve shqiptarë.

?Të nderuar kolegë deputetë të opozitës! Kemi më shumë se një vit në këtë Parlament, dhe para se të merrnim mandatin e deputetit jemi betuar që do t?i zotohemi interesit të popullit shqiptar, votës së lirë, Reformës në Drejtësi, Reformës Antikorrupsion si dhe gjithashtu Reformës Elektorale. Dhe sot më shumë se kurrë na u dha kjo mundësi, të cilën duhet ta çojmë deri në fund.

Dua të theksoj se në të vërtetë, të gjithë ne si opozitarë në këtë Parlament, presionin e kemi shumë të madh në të gjitha anët, dhe e vetmja mënyrë për t?i bërë ballë është uniteti i votave tona kundër ligjit elektoral pa ndryshim sistemi, pa depolitizim të administratës zgjedhore, pa votën e lirë të qytetarëve shqiptarë, brenda dhe jashtë vendit.

Dhe jo vetëm kaq, por unë gjithashtu, i bëj thirrje të gjithë popullit shqiptar të na mbështesë fort në këtë rrugë, sepse kjo na jep shtysë të kemi një forcë shumë të madhe për të bojkotuar votimin e kësaj reforme zgjedhore. Sot më shumë se kurrë kemi nevojë që, të gjithë ata shqiptarë që besojnë fort në votën e lirë, që janë pro ndryshimit të sistemit zgjedhor t?i bashkohen kësaj kauze, në njësimin dhe unitetin e mendimit dhe të votës kundër asaj marrëveshje të shëmtuar politike në dëm të Shqipërisë dhe shqiptarëve. Sot më shumë se kurrë duhet të dëgjohet zëri i shqiptarëve dhe vullneti i tyre për të votuar lirisht, në një shoqëri demokratike dhe të shëndoshë, ku e drejta e votës përbën një ndër parimet kryesore kushtetuese?, shkruan deputeti në rrjetet sociale./ CNA.al