web counter
LEXO PA REKLAMA!

SHKARKO APP

App Store
Google Play

E fundit!

x

Procedimi i organizatorëve të protestave/ Këlliçi: Rama të ndalojë masat represive

17 Qershor 2020, 18:39, Politikë CNA

Kryetari i FRPD, Belind Këlliçi, ka reaguar për procedimin penal të studentëve që protestuan sot para Ministrisë së Arsimit duke kërkuar uljen e tarifave të studimit dhe punonjësve të Shoqatës së Transportit Publik që kërkuan të lejohet lëvizja e mjeteve të transportit publik

Në një postim në rjetet sociale, Këlliçi deklaron se kryeministri Edi Rama duhet të ndalojë masat represive ndaj qytetarëve që kërkojnë të drejtën e tyre.

Demokrati pretendon se kjo është antikushtetuese, ndërsa i kujton Ramës grumbullimet e tij.

?Edi Rama duhet të ndalojë masat represive ndaj qytetarëve që kërkojnë të drejtën e tyre. Gjobitja ndaj të rinjve protestues sot përpara Ministrisë së Arsimit apo e shoqatës së transportit është antikushtetuese, është politike dhe tregon standardin e dyfishtë të policisë në shërbim të regjimit në ikje. Edi Rama nuk gjobitet për grumbullimet e tij, ndërsa qytetarët përndiqen, trajtohen pa dinjitet dhe gjobiten padrejtësisht.

Gjobat politike janë një masë e rrezikshme që synon të shtypë pakënaqësinë kundër një qeverie që nuk ka prioritet shëndetin e qytetarëve, por pasurimin e kryeministrit dhe të oligarkëve. Koronavirusi nuk luftohet as me polici, as me gjoba, as me kërcënimin se do të mbyllemi sërish. Edi Rama duhet të bëjë testime, të menaxhojë spitalet dhe institucionet, që i ka shndërruar në vatrat kryesore të përhapjes së virusit dhe të rimbursojë qytetarët dhe bizneset për dëmin e shkaktuar nga mbyllja?, shkruan Këlliçi./ CNA.al





Lajmet e fundit nga