web counter
LEXO PA REKLAMA!

SHKARKO APP

App Store
Google Play

OKB: Numri i të varfërve ekstremë në botë mund të kalojë një miliard

12 Qershor 2020, 17:50, Kosova & Bota CNA

Dëmi ekonomik, i shkaktuar nga pandemia e koronavirusit, mund t?i fusë edhe 400 milionë njerëz në varfëri ekstreme, thuhet në raportin e ri të Kombeve të Bashkuara.

Raporti, i publikuar të premten, paraqet disa skenarë për vlerësimin e ndikimit të koronavirusit në të ardhurat globale.
Në skenarin më të keq, humbje për 20 % e të ardhurave për kokë, numri i atyre që jetojnë me 1.90 dollar në ditë mund të rritet në më shumë se një miliard.

Për më shumë se 3.7 miliardë njerëz, mbi gjysmën e popullsisë së botës, të ardhurat po ashtu mund të bien nën 5.50 dollarë në ditë.

?Perspektiva për më të varfërit në botë duket e zymtë nëse qeveritë nuk bëjnë më shumë për ta?, tha Andy Sumner, një nga autorët e raportit, raporton agjencia e lajmeve Reuters.
“Përparimi në zvogëlimin e varfërisë mund të kthehet 20 deri në 30 vjet prapa dhe ta bëjë ëndërr qëllimin e Kombeve të Bashkuara për t’i dhënë fund kësaj dukurie?, tha ai.
Miliona njerëz në botë kanë humbur vendet e punës për shkak të pandemisë së koronavirusit, e cila ka detyruar mijëra biznese të ndalojnë operimet./CNA.al





Lajmet e fundit nga