web counter
LEXO PA REKLAMA!

SHKARKO APP

E fundit!

x

Shtyhet sërish seanca për Agim Kajmakun/ Avokati Shehu kërkon përjashtimin e gjyqtares së çështjes

10 Qershor 2020, 17:29, Kronika CNA

Gjykata Penale e Tiranës ka shtyrë sërish seancën e sotme për ish-kryebashkiakun e Vorës, Agim Kajmakun.

Mësohet se togat e zeza kanë pranuar provat e Prokurorisë dhe avokatit të Kajmakut Isuf Shehu, i cili depozitoi në sekretarinë e gjykatës edhe kërkesën për përjashtimin e gjyqtares së çështjes, Shefkie Demiraj.

Shehu pretendon se për Demiraj ka indicie se po verifikohet në procesin e vettingut nga Pamela Qirko (Balluku), motra e ministres së Infrastrukturës Belinda Ballukut.

Sipas tij, kjo provon se gjykimi mund të jetë i njëanshëm. Ndërkohë, seanca e radhës është vendosur të zhvillohet më 18 qershor, në orën 10:00, ku do të merren në pyetje dëshmitarët Gentian Picari, Laureta Omeri dhe Hekuran Brahimaj.

Kujtojmë se ish-kryebashkiaku po gjykohet në mungesë për akuzat e ?falsifikimit të formularëve?, ?falsifikimit të dokumenteve? dhe ?kryerje e funksionit pas dhënies fund të tij?.

Kajmaku prej disa kohësh është shpallur në kërkim pasi u provua se kishte falsifikuar dokumentet e dekriminalizimit, duke fshehur një dënim në Janinë./ CNA.al





Lajmet e fundit nga