web counter
LEXO PA REKLAMA!

SHKARKO APP

Shtohen rastet në Spitalin Infektiv/ 6 të infektuar në terapi intensive, 2 në intubim

7 Qershor 2020, 09:27, Lifestyle CNA

Përfaqësuesja e Institutit të Shëndetit Publik, Genta Qirjako, tregoi pak më parë se janë shtuar rastet me të prekur në Spitalin Infektiv.

Qirjako tha në një deklaratë për mediat se aktualisht në Spitalin Infektiv po trajtohen 30 të prekur, nga të cilët 6 janë në terapi intensive dhe 2 prej tyre janë të intubuar.

Nga ana tjetër, gjatë 24 orëve të fundit janë shëruar 13 qytetarë, duke e çuar në 938 numrin e të shëruarve që nga fillimi epidemisë. Në vendin tonë janë aktualisht 274 persona aktivë me COVID-19, rreth 70% e të cilëve janë në Tiranë.

Që nga fillimi i epidemisë janë kryer mbi 18 mijë testime molekulare dhe serologjike dhe janë konfirmuar pozitivë 1246 raste. Në Laboratorin e Mikrobiologjisë në QSUT janë kryer 2035 testime serologjike në personel shëndetësor, me një pozitivitet të përgjithshëm rreth 7 %./ CNA.al





Lajmet e fundit nga