web counter
LEXO PA REKLAMA!

SHKARKO APP

App Store
Google Play

E fundit!

x

Vllaznia ka krenari/ Mund Flamurtarin mes 1001 problemeve

3 Qershor 2020, 17:12, Sport CNA

Kriza financiare nuk e ka ndalur Vllazninë të marrë fitoren në ndeshjen e parë pas rikthimit. Kuqeblutë e udhëhequr nga Mirsad Jonuz kanë marrë një fitore të pastër kundër Flamurtarit, që e nis ashtu si e ka lënë, me humbje. Takimi përfundo në shifrat 1-3, ku i pari që do të gjente rrjetën ishte kapiteni Gilman Lika.

Pjesa e parë nuk do të rezervonte gola në Vlorë, ndërsa e kundërta ndodh në fraksionin e dytë të lojës. Falë penalltisë në minutën e 70 Vllaznia gjen avantazhin. Por pa kaluar shumë kohë do të ishte braziliani Junior që do të dyfishonte shifrat për klubin shkodran, teksa në të 75-tën do të tundte rrjetën. Kapiteni Lika do të shënonte përsëri për shkodranët në minutën e dytë të shtesës, ndërsa vlonjatët u kundëpërgjigjën vetëm 2 minuta më pas me golin e nderit të shënuar nga Souza.

Me sa duket krenaria është e fortë te Vllaznia e Jonuz, që edhe pse e gjendur mes 1001 halleve e problemeve ia del të fitojë në fushën e lojës. Me 3 pikët e marra ditën e sotme, kuqeblutë arrijnë Partizanin në tabelën e renditjes, i cili do të zbresë në fushë në mbrëmje.





Lajmet e fundit nga