E fundit!

22:38 Aktualitet

Protestojnë prej 26 ditësh/ Qytetarët vijojnë marshimin në rrugët e Tiranës

Prej më shumë se 1 ore, protestuesit vijojnë marshimin në ...

Shehi do patjetër 3 pikët ndaj Luftëtarit: Nuk kemi luksin të gabojmë

3 Qershor 2020, 07:58, Sport CNA

Kategoria Superiore do të rikthehet sot në fushë, ku do të zhvillohen 5 ndeshje pas një periudhe të gjatë pauze për shkak të pandemisë. Kukësi do të kërkojë të luftojë për titullin kampion, teksa ditën e sotme do të ketë një ndeshje delikate ndaj Luftëtarit. Në prag të kësaj sfide, trajneri i verilindorëve, Orges Shehi, për ?Panorama Sport? është shprehur se do të luhet vetëm për fitore, pasi 3 pikët janë të rëndësishme njësoj si në ndeshjen me Luftëtarin ashtu edhe me Partizanin.

Ndërsa, nëse e shqetëson apo jo që një lojtar i Bylisit ka dalë pozitiv me ?COVID-19?, ai shprehet se i vjen keq për të dhe i uron shërim sa më të shpejtë, por ky është vetëm një rast i izoluar dhe nuk ndikon fare në mbarëvajtjen e kampionatit.

Si është të riktheheni në fushë mbas një pauze kaq të gjatë?

Pas një periudhe shumë të gjatë për shkak të asaj që ndodhi, ne jemi shumë të kënaqur që rikthehemi në fushë. Jemi përgatitur me aq mundësi sa kemi pasur, në mënyrë që të jemi gati për kampionatin.

Për çfarë trembeni më shumë mbas rifillimit?

Për shkak të periudhës së gjatë të pezullimit, më shumë u frikësohem dëmtimeve dhe shpresoj që të mos kemi probleme në këtë drejtim duke pasur parasysh periudhën e gjatë të pushimit dhe dendësinë e ndeshjeve që do të luajmë. Ju pret një ndeshje me Luftëtarin.

Si e vlerësoni kundërshtarin?

Në pozicionin ku jemi, çdo ekip ka rëndësinë e vet. 3 pikët janë njësoj si me Partizanin edhe me Luftëtarin dhe do të luajmë për fitore duke e vlerësuar maksimalisht këtë 90- minutësh.

Prej dy javësh ndodheni në grumbullim në Elbasan. Sa i ka shërbyer kjo minifazë ekipit?

Ne u grumbulluam në Elbasan duke ditur kushtet e mira që janë këtu dhe rëndësinë që i dhamë kësaj faze, në mënyrë që skuadra të qëndrojë bashkë dhe për t?u përgatitur sa më mirë për kampionatin. Unë mendoj se na ka shërbyer shumë.

A jeni i kënaqur me përgatitjet e zhvilluara deri tani?

Jam i kënaqur për mënyrën se si janë stërvitur çunat me një seriozitet maksimal. Me ne është bashkuar edhe Limaj, i cili nuk mund të jetë në 100% të formës, por grupi është i plotë.

Një lojtar i Bylisit doli pozitiv me Koronavirus. Sa ju shqetëson kjo situatë?

Rëndësi ka që nuk është infektuar edhe pjesa tjetër e ekipit. Nëse do të kishte ndodhur kjo e fundit, do të ishte me të vërtetë shqetësuese. Normalisht, siç ka raste sporadike që infektohen njerëz të thjeshtë, as futbollistët nuk bëjnë përjashtim. Mirëpo, ndryshe nga të tjerët ne duhet të ruhemi dhe të jemi strikt sa i përket protokollit. I uroj shërim sa më të shpejtë lojtarit. Uroj që ta kalojë sa më lehtë dhe të rikthehet të luajë sërish.