web counter
LEXO PA REKLAMA!

SHKARKO APP

App Store
Google Play

E fundit!

x

Rama paralajmëron bizneset/ “Aplikoni për pagat e luftës të punonjësve që keni larguar, në të kundërt gjobiteni”

3 Qershor 2020, 19:36, Sociale CNA

Kryeministri Edi Rama ka paralajmëruar sërish të gjithë punëdhënësit që nuk kanë bërë ende aplikimin që punëtorët e shkurtuar nga puna për shkak të pandemisë së koronavirusit.

Në një postim në rrjetet sociale, Rama tregon se deri më tani 30 mijë persona që janë larguar nga puna dhe ish-punëdhënësit nuk kanë aplikuar, e kanë përfituar pagën e luftës.

Kreu i qeverisë i kujton këtyre punëdhënësve se kanë afat deri në datën 5 qershor të aplikojnë, në të kundërt do të gjobiten.

?Lajm i mirë: Ka kaluar 30 mijëshin numri i pagave 40 mijë lek të derdhura në llogaritë e punonjësve që nuk e kishin marrë mbështetjen financiare të qeverisë, si pasojë e mosaplikimit nga ana e punëdhënësve. Faleminderit punëdhënësve që reaguan pozitivisht ndaj apelit tonë.

Sipas llogarive të Drejtorisë së Përgjithshme të Tatimeve janë edhe afro 25 mijë të tjerë që duhet të paguajmë, prandaj u kujtoj punëdhënësve që s’kanë aplikuar ende se afati për ta skadon të premten, 5 qershor, në mesnatë. Kush nuk do të bëjë aplikimin për punonjësit e vet do të paguajë gjobë, ndërsa të gjithë punonjësit e lënë pa mbështetjen e punëdhënësit, Nuk do të jenë vetëm! Sepse ne do t’u derdhim menjëherë 40 mijë lekët në llogarinë e tyre nga e hëna e ardhshme.

Sot ka kaluar në thesar për lëvrim javën e ardhshme, shuma e Pagës së Tretë të Luftës. Shifra totale e të gjithë të asistuarve me tre Pagat e Luftës apo Pagën 40 mijë Lek, parashikojmë të shkojë në afro 250 mijë persona. Në fund e gjithë lista e pagesave për këtë thuajse çerek milionë motra e vëllezër, do të jetë publike, që mos kemi llafe kur i thonë fjalës – po edhe që askush, asnjë person i vetëm të mos mbetet pa marrë atë që i takon, nëse për çfarëdo arsye do të mbetet i papërfshirë?, shkruan kryeministri./ CNA.al





Lajmet e fundit nga