E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

“Dyshohet për 4 atentatorë”/ Artan Hoxha detaje të forta nga vrasja në Laç: Ngjarja nuk do mbarojë aty

1 Qershor 2020, 21:26, Kronika CNA

Autorët e vrasjes së dyfishtë të Paulin Markut dhe Bujar Likës, kanë qenë të veshur me uniformë policie si komando.

Lajmin e ka bërë të ditur gazetari Artan Hoxha, i cili deklaroi se ky nuk është rasti i parë kur autorët e vrasjeve vishen si punonjës policie.

Sipas tij, deri më tani për këtë vrasje implikohen 4 persona. Gazetari zbuloi në emisionin “Opinion” edhe disa detaje për këtë ngjarje që tronditi zonën e Laçit.

?Personat kanë qenë brenda në lokal. Në fillim ka qenë Bujar Lika dhe pastaj ka shkuar biznesmeni Paulin Marku. Por këta ekzekutorë që përdorin këtë skemë është e vështirë të zbulohet. Ata kanë goditur në fillim Likën dhe pastaj Paulin Marku. Kjo e vështirësoi të kuptohej se cili ka qenë objektivi. Ka një arsyetim llogjik përse i pari ka qenë Lika. Sepse ata kanë menduar që Lika mund të reagojë dhe rezulton në vendngjarje që edhe mund të ketë qëlluar. E vërteton ekspertiza sepse ai ruhej.

Pastaj është goditur Paulini. Autorët në fillim kanë izoluar Paulinin. Backgroundi që kanë të dy personazhet i jep atë që ti e quajte si nëpër filma. Atentatorët duket që janë katër por duhet të kenë mbështetje. Rezulton që numri i personave të implikuar është një numër i madh. Është dashur vëzhgim, mbikëqyrje, mbulim. Në vendin e ngjarjes ka humbur jetën Bujar Lika, ndërkohë që Marku është dërguar në spital. Më rezulton që është vijim i ngjarjeve të mëparshme, të një historie që nëse nuk e ndërpresin autoritetet tona dhe nuk mbaron këtu. Uroj të mos ketë viktima, por më duket shumë e vështirë që të mbarojë aty. Edhe pse ngjarja ka ndodhur në Mamurras, frika më e madhe është në Tiranë.

Për tregun e Tiranës është bërë lufta: fillo që nga lojërat e fatit, pasuri të patundshme, furnizimi i lokaleve për tregun e brendshëm, trafikim i lëndëve narkotike. Të realizosh një ngjarje të tillë, të përdorësh kaq shumë njerëz të, të koordinosh, të hysh në një zonë ku kundërshtari ruhet dhe të realizosh dhe të dalësh nga aty do të thotë që situata me të vërtetë është serioze dhe uroj që autoritetet të ecin me hetimin që të parandalojnë sa më shumë viktimat në radhë?, tha Hoxha./ CNA.al