web counter
LEXO PA REKLAMA!

SHKARKO APP

App Store
Google Play

E fundit!

x

Vendoset sekuestro për një llogari banke në shumën 400 mijë dollarë/ Si tentoi ti transferonte në Australi

28 Maj 2020, 13:37, Kronika CNA

Policia e Tiranës bën të ditur se është vendosur sekuestroja preventive ndaj një llogarie bankare të administratorit të në një shoqërie SHPK, në shumën 400 mijë dollarë, pas hetimit të nisur nga Seksioni për Hetimin e Pastrimit të Parave në DVP Tiranë, në koordinim nga Departamenti i Policisë Kriminale dhe nën drejtimin e Prokurorisë së Rrethit Gjyqësor Tiranë.

Sipas uniformave blu, në bashkëpunim me Prokurorinë pranë Gjykatës së Shkallës së Parë Tirane, për identifikimin dhe gjetjen e aseteve kriminale që rrjedhin nga veprimtaria kriminale, në funksion të procedimit penal të vitit 2020 dhe vendimit të sekuestrimit datë 26.05.2020, u bë sekuestrimi i llogarisë bankare në shumën 400 mijë dollarë, në emër të shtetasit A. G., administrator i një shoqërie SHPK, për veprat penale ?Pastrimi i produkteve të veprës penale ose të veprimtarisë kriminale? dhe ?Ushtrim pa licencë i veprimtarisë financiare” .

Gjithashtu policia bën të ditur se vendosja e sekuestros preventive, është bërë pas tentativës së bërë nga shtetasi A. G., për transfertën e shumës jashtë vendit, në Australi, në llogari të vëllait të tij.

Nën drejtimin e Prokurorisë po vijon puna për të zbuluar asete të tjera dhe bashkëpunëtorët në këtë aktivitet kriminal.

 





Lajmet e fundit nga