Nga masat te testimet/ Pipero i zbrazet Komitetit të Ekspertëve: Duhet të jeni më të sigurt

24 Maj 2020, 10:06, Lifestyle CNA

Mjeku Pëllumb Pipero ka kritikuar sot Organizatën Botërore të Shëndetësisë dhe Komitetin Teknik për masat që kanë marrë.

Në një postim në rrjetet sociale, Pipero thotë se OBSH ka dhënë deklarata kontradiktore, ndërsa thekson se i ka respektuar të gjitha vendimet dhe masat deri më tani.

?Si mjek dhe profesionist i shëndetit publik kam mirëkuptuar çdo vendim të institucioneve në respekt të distancimit social, për më tepër në një mori informacionesh shpesh kontraditore për Covid 19, dhe aq më tepër në një sërë udhëzimesh të OBSH shpesh të pa qarta, të pa bazuara, dhe kontradiktore gjithashtu. Ndoshta i kam lodhur qytetarët duke më dëgjuar çdo natë, ndoshta kam përsëritur veten shpesh, por kam qenë dhe jam i drejtëpërdrejtë me qytetarët! Shpresoj të mos jem bërë ?babai i mërzitjes?. I përulem mirëkuptimit dhe durimit të tyre, dhe tani që jemi në fund të kësaj epidemie sërish ju kërkoj pak kujdes, asgjë më shumë!?, shkruan mjeku.

Infeksionisti deklaron se Komitetit Teknik duhet të bëjë një hapje më të shpejtë dhe duhet të jetë më i sigurt për masat që merr. Gjithashtu ai ka dhënë rekomandime edhe për testimet, gjurmimin e rasteve, për studimin mbi shkallën e ekspozimit dhe stategjinë e përballimit të një vale të dytë.

?Inkurajoj komitetin e ekspertëve të jetë më i sigurt në rekomandimin për hapjen e plotë, situata epidemiologjike në vendin tonë dhe rajon na e mundëson këtë. Jo një ditë por edhe një orë më parë se të tjerët të hapemi do kemi shumë më tepër përfitime. Jo vetëm ekonomike por mbi të gjitha psikologjike dhe shëndetësore! Kam theksuar të orjentojë gjurmimin e rasteve përmes hetimit intelegjent dhe aplikimin e PCR, ?tamponit? për rastet më klinike, dhe të planifikojë një studim seroprevalence për të parë shkallën e ekspozimit e ndërtuar në strategji për të përballuar një rikthim të mundshem të epidemisë në fund viti, të cilën unë e besoj pak, por nuk e përjashtoj dot, krahas analizave serologjike që po vazhdojnë aktualisht. Kështu mund të kontrollojmë me sukses edhe më tej epideminë. Së bashku si deri tani do e fitojmë betejën me Covid 19!?, nënvizon Pipero./ CNA.al