web counter
LEXO PA REKLAMA!

SHKARKO APP

App Store
Google Play

E fundit!

x

Thellohet “lufta” presidencë-qeveri/ Rama i përgjigjet “dhëmb për dhëmb” Metës

22 Maj 2020, 11:42, Politikë CNA

Përplasjet mes kryeministrit Edi rama dhe presidentit Ilir Meta duket se vijojnë të thellohen.

Ndërsa kreu i shtetit tha sot si i ka dërguar Ramës një platformë me 14 pika, ka ardhur menjëherë reagimi nga kreu i qeverisë.

Në një postim në rrjetet sociale, Rama shkruan se Meta nuk i ka dorëzuar asnjë platformë.

?Presidenti nuk më ka dorëzuar asnjë platformë, por jam gati të ulem në çdo moment me të, me opozitën brenda/jashtëparlamentare e me partnerët e Reformës në Drejtësi, që t’i vëmë pikat mbi “i” të gjitha pikave të të gjitha palëve në shqip/anglisht, se teatri ra, iku e na la?-shkruan Rama.

Po ashtu ai i bën apel presidentit të lërë ultimatumet.

?Presidenti t’i lerë apelet natën për 20 burra e ditën për 11 pika! Opozita t’i lerë ultimatumet trupore e sharjet fëminore! Të dy bashkë ta lenë teatrin e mbledhjeve të komitetit të shpëtimit, se Shqipëria, parlamenti, qeveria, s’kanë kohë të luajnë “e ka kush e ka” dezhurnin

Jemi në prag të miratimit të Planit të Veprimit për Negociatat në Këshillin Kombëtar të Integrimit, s’ka rast më të mirë që Presidenti, Opozita, Institucionet e Drejtësisë,Partnerët Ndërkombëtarë për Drejtësinë dhe Integrimin, të mblidhen URGJENT në një tryezë me karta të hapura?-shkruan Rama.





Lajmet e fundit nga