web counter
LEXO PA REKLAMA!

SHKARKO APP

App Store
Google Play

Rama për Teatrin/ Fëmijë bastard, jo pjella e vërtetë e arkitektit italian

21 Maj 2020, 12:05, Politikë CNA

Kryeministri Edi Rama ka folur me tone të ashpra në Kuvend, ndërsa tha se godina e Teatrit Kombëtar, nuk është vepër autentike e arkitektit italian.

Sipas Ramës, vetë autori nuk e ka pranuar autorsinë dhe  vepra u la në mes, pasi nisi lufta.

?Njëri mund të thotë, pse shkoni dhe i bini godinës së vjetër. Bota u ruan godinat e vjetra. Duhet një shpjegim.

A e dini ju që ai projekti që ka qarkulluar tinëzisht në formën e një vizatimi poetik të arkitektit italian që është shitur dhe në mediat dhe në zyrat e huaja nuk është rëzuar kush.

Autori nuk e ka njohur kurrë si pjellën e vetë. Ai projekt filloi, siç duket por nuk mbaroi. Lufta filloi, tironsit me pus e me tarrac, e me mustaqe hijerënda, a e dinë që në kopshtet e Tiranës u mboll grurë.

Sepse në atë kohë rendi autartik nga regjimi që u vendos dhe na i la plagët, shkurtoi fondet për t?ia kaluar luftës. Dhe thjeshtoi pa pjesëmarrjen dhe lejen e autorëve të gjitha projektet e godinave.

Dhe godina e projektit të Teatrit është fëmija bastard i një marrëdhënie mes autorit italian dhe autores që ishte lufta fashiste që duhej ushqyer me para dhe grurin në parqet e Tiranës. U ndërpre nga lufta dhe vepra për këtë arsye kurrë nuk u konsiderua as nga regjimi i vjetër, as nga të gjitha ekspertizat e mëvonshme për t?u futur në monumentet e kulturës.

Asnjë dokument ku të figurojë se kemi të bëjmë me një monument kulture.?, tha Rama./CNA.al





Lajmet e fundit nga