web counter
LEXO PA REKLAMA!

SHKARKO APP

E fundit!

x

“Nuk i plas njeriu...”/ Meta kapet keq me Arian Çanin

21 Maj 2020, 20:16, Politikë CNA

Presidenti Ilir Meta ka debatuar ashpër me gazetarin Arian Çani sonte në Syri.tv.

Teksa kreu i shtetit fliste për shpërndarjen e Parlamenti dhe kapjen e drejtësisë nga mazhoranca, Çani i kërkoi që të jepte zgjidhje, jo konstatime.

Çani: Askush nuk e ve në diskutim që ky vend dhe ky sistem nuk është demokratik. Policia është forcuar dhe është investuar llahtarisht shumë. Në çdo qytet postoblloqe me policë për të krijuar një presion psikologjik, Ne duam apo nuk duam, jetojmë në një regjim. Kujt i shërbejnë të gjitha këto detaje juridike? Kush është ky Dvorani? Njerëzit janë komplet jashtë loje… Ke ndonjë zgjidhje të na japësh sot? Nuk i plas njeriu…

Meta: Nuk të plas ty, por i plas njerëzve.

Çani: Ata njerëz do të ishin në shesh. Fakti që janë në shtëpi duke ngrënë mish, është problemi juaj.

Meta: Falenderoj popullin që iu përgjigj thirrjes sime. Unë nuk i bëj dot detyrat e të gjithëve. Të futet opozita në parlament e të vazhdojmë normalisht se kështu edhe 0 vjet nuk rregullohet. Unë jam gati të shkoj të votohem në popull meqënëse ka patur konstatime se nuk jam sjellë si president. Është zgjidhje që e kam dhënë para një viti dhe jam gati. Është zgjidhja tjetër që duhet të veprojë populli.

Por debati vijoi edhe me tej me dhunën e ushtruar nga policia ndaj protestuesve.

Meta: Ju spektator qëndroni se keni frikë të përfundoni si kolegu juaj. Nëse je kaq i shqetësuar edhe mund të dilje aty.

Çani: Ti nuk e di a isha unë aty.

Meta: Po të ishe do kishe shenja.

 





Lajmet e fundit nga