E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Vendimi i papritur, zbulohet e ardhmja e Bares dhe Sadikut

19 Maj 2020, 18:33, Sport CNA

Armando Sadiku dhe Keidi Bare po kalojnë muajt e fundit të tyre në radhët e Malagas, pasi pas kësaj vere, e ardhmja e tyre do të jetë në një klub tjetër. Si sulmuesi, ashtu edhe mesfushori, kanë qenë dy nga protagonistët kryesorë të këtij klubi në Spanjë për këtë edicion, por vendimi i fundit i Malagas bën të qartë se e ardhmja e tyre është në një skuadër tjetër.

Malaga ka vendosur që të kalojë menjëherë në asistencë shtetërore punëtorët e saj, pasi nuk arrin më të paguajë rrogat e tyre si pasojë e krizës financiare. Në fakt, klubi kishte probleme edhe më parë, para se të fillonte pandemia dhe kishte vështirësi të mëdha financiare, aq sa kishte kaluar nën administrimin e një avokati të njohur për të shmangur falimentimin.

Vendimi i mbyll rrugën praktikisht meraktos në verë, pasi autoritetet financiare në Spanjë kanë bërë të ditur se cilido klub që përfiton nga asistenca shtetërore gjatë periudhës së pandemisë, nuk do të lejohet të bëjë merkato pa kthyer mbrapsht paratë që ka marrë. Kjo mbyll kapitullin sa i përket Armando Sadikut, për të cilin Levante kërkon rreth 1 milion euro për ta lënë të lirë në verë që të vazhdojë aventurën e tij te Malaga. Ndërkohë, për të dale nga kriza financiare, klubi duhet të heqë dorë edhe nga Bare, një nga elementët më të kërkuar në merkato, tek i cili kanë hedhur sytë sdisa nga klubet e La Liga mes të cilave edhe Getafe që është në garë për një vend në Ligën e Kampioneve.

Në një situatë të tillë, dy lojtarët e përfaqësueses shqiptare bëhen gati të luajnë pjesën e mbetur të sezonit të ndërgjegjshëm se e ardhmja e tyre është larg Malagas dhe se duhet të shfrytëzojnë këto javë për të tërhequr skuadra të tjera që interesohen për shërbimet e tyre.