web counter
LEXO PA REKLAMA!

SHKARKO APP

App Store
Google Play

E fundit!

x

Zyrtare/ Bundesliga rifillon pas 9 ditësh, ndeshjen e parë e nis lojtari i kombëtares shqiptare

6 Maj 2020, 20:43, Sport CNA

Nuk ka vonuar shumë dhe pas deklaratës së kancelares Angela Merkel se futbolli mund të rifillonte në Gjermani,është caktuar edhe data e nisjes së Bundesligës 1 dhe 2. Gjatë pasdites, Liga e Futbollit informoi 36 klubet e dy kampionateve se drejtuesit kishin vendosur që ndeshjet të nisnin nga data 15 maj, me qëllimin për të mbyllur sezonin brenda fundit të qershorit.

Kjo do të thotë se të premten më 15 maj në fushë do të zbresin skuadrat që do t?i japin startin javës së 26 të Bundesligës, Dyseldorf dhe Paderborn. Kështu, në fushë i pari pas rifillimit do të jetë mesfushori i përfaqësueses shqiptare, Klaus Gjasula, i cili mban edhe shiritin e kapitenit te klubi i cili aktualisht luan për mbijetesën në elitën e futbollit gjerman.

Vendimi ishte kundërshtuar nga skuadra e Verder Bremen e cila ishte kundër datës 15 maj dhe kërkonte 22 majin për rifillimin. Klubi kishte argumentuar se skuadra nuk ishet në formën e duhur fizike pasi kishte nisur më vonë se të tjerët stërvitjet për shkak të rregullave në këtë land. Por edhe klubi i Rashicës është detyruar të pranojë vendimin e Ligës dhe do të përpiqet të bëhet gati për të luajtur për mbijetesën. /vipsport.al/





Lajmet e fundit nga