Mërgim Mavraj zbulon çfarë do bëjë pas largimit nga futbolli

27 Prill 2020, 16:04, Sport CNA

Mërgim Mavraj është rikthyer të jetë pjesë e Bundesligës 2 duke veshur sërish fanellën e Grojther Fyrth. Futbolli në Gjermani ka ndaluar si në pjesën tjetër të Europës, mirëpo ashtu siç tregon edhe mbrojtësi shqiptar në një intervistë për ?Top Channel?, stërvitjet kanë filluar dhe duket se shumë shpejt skuadrat mund të zbresin në fushë.

Ndër të tjera, Mavraj prek edhe temën e kombëtares duke theksuar se është realist dhe e di se e ardhmja e kuqezinjve janë disa emra të tjerë dhe jo ai. Sakaq, Mavraj zbulon edhe se pas kontratës trevjeçare me Fyrth, fshihet një tjetër si drejtues, ndërsa nuk mund të mos fliste edhe për muajin e Ramazanit si një besimtar i devotshëm.

?Po stërvitem më shumë se gjatë kampionatit sepse po na zhvillojnë shumë seanca stërvitore. Kemi mundësi që të dalim të vrapojmë jashtë, pasi në Gjermani lejohet apo kemi patur mundësi edhe të stërvitemi në fushën e blertë në grupe të vogla. Për dy javë jemi stërvitur në grupe me 4 lojtarë, por që prej 10 ditësh tani jemi një grup 12 lojtarësh që stërvitemi. Ne këtu jemi shumë pranë rikthimit të kampionatit?.

Rikthimi te Fyrth- ?Arsyeja përse jam rikthyer në Fyrth është se kam një kontratë që pasi të mbyll karrierën këtu si futbollist të kaloj në menaxhim. E kam firmosur kontratën atëherë 3-vjeçare për futbollist dhe 7 vjeçare për pas futbollit?.

Kombëtarja- ?Që nga ndeshja e fundit që luajtëm në Paris, kur u mundëm 4-1 nuk kam luajtur më. Edhe ajo ndeshje e fundit për mua mbahet mend me shumë gjëra negative, në lidhje me personin tim jo vetëm si pjesë e një skuadre që u mundëm. Normalisht që kombëtarja i mungon çdo lojtari që e ka shijuar ndonjëherë.

Por sa i përket të ardhmes e kam shumë të vështirë të komentoj, në 6 muajt e fundit kam patur shumë dëmtime dhe nuk pata mundësi që të vija në kombëtare, tani kam ardhur në një moshë që më duhet më shumë pushim për t?u rikuperuar. I kuptoj gjithashtu trajnerët që kanë dëshirë të fillojnë një cikël të ri për të afruar lojtarë të ri, sepse e ardhmja e kombëtares nuk është Mërgim Mavraj, por janë disa emra të tjerë dhe për këtë jam shumë realist për t?i kuptuar?.

Muaji i Ramazanit- ?Ramazani është Ramazan. Për mua personalisht është një gjë mbi të gjitha. Tani Ramazani duket sikur ka ardhur në një periudhë shumë të përshtatshme për t?i larguar njerëzit nga frika e kësaj situate. Në disa xhamia këtu lejohet me u fal vetëm kryesia, që do me thëne lejohet me u fal rreth 6 vetë sa për me kryer obligimin fetar. Edhe unë me ndonjë shok të ngushtë, me ndonjë hoxhë të ngushtë, më është mundësuar edhe mua ndonjëherë, jo gjithmonë, por ndonjëherë me u fal në xhami?, u shpreh Mavraj.