Heynckes zbulon çfarë kishte ndryshe Bayern i tripletës dhe të ardhmen e Lewandowski

3 Prill 2018, 08:53, Sport CNA

Më e vështira për Bayern Munich fillon tani, pasi të martën nis faza më e rëndësishme e sezonit. Përpara ndeshjes në ?Ramon Sanchez Pizjuan?, trajneri i bavarezëve Jupp Heynckes dhe mesfushori Javi Martinez dolën në konferencën për shtyp për të folur për çerekfinalen e parë kundër Sevilla. 72-vjeçari shkon me besim, por e respekton kundërshtarin për atë që ka treguar deri tani. “Kemi respektin më të madh për Sevilla dhe unë thashë pas shortit, që është një kundërshtar i fortë, por që nuk mund të jetë i preferuari i të gjithëve, ka një ekip të shkëlqyer”, tha Heynckes.

Mallkimi ndaj spanjolleve ? ?Ne fituam gjysmëfinalen kundër Real Madridit në Bernabeu në vitin 2012 dhe pastaj përfunduam në finale, vitin e ardhshëm fituam 3-0 në Barcelonë. Ata ishin ndër ekipet më të mira në atë kohë, por kjo është një gjë e kaluar dhe nuk ka më rëndësi për mua”, thotë Heynckes. “Në atë kohë, ne u përballëm me skuadrat më të mira në historinë spanjolle dhe katër vitet e fundit nuk janë të frytshme për mua. Bayern tani ka një ekip të ndryshëm, me një ekip të ndryshëm trajnerësh dhe ne jemi optimistë si gjithmone”.

Bayern më i mirë se ai i 2013 ? ?Në futboll, nuk mund të krahasosh dy skuadra, ata ishin lojtarë të ndryshëm dhe futbolli ka evoluar që atëherë, kështu që nuk më pëlqen krahasimi i dy skuadrave të tilla. Skuadra që fitoi tripletën ishte një ekip me shumë emra të mëdhenj si: Lahm, Neuer, Schweinsteiger dhe tani kemi një ekip me shumë lojtarë ndërkombëtarë, por deri më tani nuk kemi arritur asgjë”.

Lewandowski ? ?Unë mund t’ju them se nuk ka asnjë shans për Real Madridin që Lewandowski të luajë në Madrid në sezonin e ardhshëm”.

Rinovimi i Ribery dhe Robben ? ?Ne kemi folur për këtë, por unë do të jem në sfond. Unë jam trajneri i tanishëm, dua të punoj në mënyrë optimale me të dy lojtarët dhe vendimi do të bëhet nga klubi edhe pse kam mendimin tim personal?.

Sevilla – “Nesër do të jetë një ndeshje ndryshe nga ajo e të shtunës, kemi pasur një lojë të mirë, por ne duhet të bëhemi gati sërish, duhet të përqendrohemi vetëm tek Sevilla, nëse mendon për diçka tjetër, nuk mund të japësh gjithçka. Pashë pjesën e dytë kundër Barcelonës, ata meritonin të fitonin. Ishin superiorë në posedim, ne me të vërtetë duhet të japim gjithçka”, thotë Martinez. /EDS/