E fundit!

15:27 Aktualitet

“Në kartelet e Ekuadorit ka edhe shqiptarë”/ Artan Hoxha zbulon lidhjet e fshehta të kokainës

Gazetari Artan Hoxha ndau sot detaje të shumta mbi të asht...

"I paralajmërova politikanët që në janar"/ Kalo: Nuk e njohin fjalën ndjesë

21 Prill 2020, 20:50, Lifestyle CNA

Profesor Tritan Kalo deklaron se politikanët shqiptarë i ka paralajmëruar mbi rrezikshmërinë e transmetimit të virusit që në janar, kur u mbajtën kongrese partish e mitingje në shesh

?Jam ndjerë shumë keq. Dhe unë në mënyrë specifike drejtuesve apo individëve që janë drejtues të këtyre strukturave u jam adresuar për të shmangur realizimin e këtyre mitingjeve, kongreseve, e çdo takimi në sheshe apo jo sheshe ku kishte mbi 500 individë për rrezikshmërinë e transmetimit të infeksionit?, u shpreh ai.

Kalo rrëfen se asnjë prej politikanëve nuk ia ka dëgjuar fjalën ndonëse ai i ka adresuar mbi rrezikun e këtij infeksioni.

“Është e çuditshme për rrezikshmërinë e transmetimit nuk më dëgjuan fare. Politikanët tanë nuk e dinë se ç?është ndjesa. Dinë se ç’është interesi ekonomik apo politik i tyre, por fjalën ndjesë se kanë në diskurset e tyre politike”, vijoi ai më tej.

Mjeku apelon për më shumë vëmendje ndaj mjekësisë në të ardhmen pasi siç thotë ai trajtimi aktual i politikës dhe popullatës është një nga arsyet kryesore e largimeve masive të bluzave të bardha jashtë Shqipërisë.

?Pas pandemisë duhet të ndryshojë konceptimi i trajtimit të mjekëve, i gjithë personelit mjekësor. Si nga politika po ashtu edhe nga popullata. Një popullatë që është yshtur ta shohë mjekësinë si një tabelë qitje, që të shfryjë mllefet e saj nga keqtrajtimi ekonomik i një vendi që në 30 vite shumë pak ka ecur para se më shumë ka ecur mbrapa. Këto mllefe, tabela e qitjes për politikanët ka qenë shëndetësia dhe gjithmonë i kanë hedhur këto njerëz në kurriz të shëndetësisë. Nuk jemi dhe ne pa kusure. Ka dhe nga ne që kanë harruar që janë betuar mbi hipokratin, por kryesisht nëse këto dy koncepte të trajtimit nga popullata dhe trajtimit nga politika do të ndryshojnë, nuk do të kemi më emigrime masive drejt Gjermanisë. Nuk do të kemi më largime masive. Dhe këto individë që kanë ikur në Itali për ndihma jam i sigurtë pjesa më e madhe nuk do të rikthehen sepse unë kam kërkesa të shumta nga kolegë, infermierë dhe mjekë që thonë aman kë njeh që të na fus në listë që të shkojnë në Itali, me idenë të mos kthehen?, theksoi Kalo në emisionin Përballë./ CNA.al