E fundit!

07:46 Ekonomi

Çmimet e konsumit në të gjithë Evropën/ Vendet më të shtrenjta dhe më të lira, ja ku renditet Shqipëria

Nga Islanda në Maqedoninë e Veriut, çmimet e konsumit ndry...

Skandali me inceneratorin e Fierit/ Qeveria pagoi 22.6 miliardë lekë, ende pa u ndërtuar

19 Prill 2020, 10:59, Aktualitet CNA

CNA.al ka publikuar një dosje të plotë investigimi për koncensionet e inceneratorëve ku përfshihet edhe ai i Fierit.

Sot po sjellim paratë që ka marrë ky koncesion nga taksat e shqiptarëve dhe pamjet e gjendjes në Fier.

Inceneratori i Fierit, është dhënë me koncesion nga qeveria shqiptare sipas një marrëveshje, të firmosur nga ministri Lefter Koka në tetor të vitit 2016, me kompaninë e quajtur Integreted Technology Waste Treatment Fier me vlerë 28 milion euro pa TVSh, apo rreth 35 milion euro në total.

Këtu 70% të aksioneve i ka kompania Integreted Technology Service e Klodian Zotos dhe 30% kompania ?Ndërtim Montim, Patos?.

Ky impiant, edhe pse ka kaluar të gjitha fazat që nga projekti e deri në lidhjen e kontratës është shoqëruar me polemika e protesta, nga politika por dhe vetë banorët të cilët janë shprehur kundër incenerimit.

Banorët të cilët janë përplasur disa herë me policinë, kanë thënë se nuk janë pyetur për ndërtimin e tij, i cili ndërtohet në një distancë jo më shumë se 700 m nga fshati dhe në mes të parcelave që ata mbjellin perimet dhe frutat.

Madje, ka pasur edhe akuza se tinëzisht janë ndryshuar edhe koordinatat ku do të ngrihet impianti. Madje çështja për këtë incenerator shkoi edhe në Gjykatën Administrative të Tiranës.

Banorët ngritën pretendime se kompania ?Integrated Technology? po e ndërton inceneratorin në një sipërfaqe toke tjetër nga ajo që është parashikuar në studime dhe në vendimet e Bashkisë Fier.

Megjithatë, gjykata vendosi të rrëzojë kërkesën e banorëve me argumentimin se: ?pala paditëse nuk arriti dot të provojë në bazë të provave shkresore për pasojat dhe dëmet e pretenduara?.

Megjithatë, sot pas gati katër vitesh në Fier nuk ka Incenerator edhe pse qeveria ka paguar nga taksat e shqiptarëve miliona euro të cilat kanë filluar që pas firmosjes së kontratës.

Sipas të dhënave zyrtuar siguruar nga Thesari, qeveria shqiptare i ka paguar kompanisë rreth 22.6 miliardë lekë nga 37 që është totalisht kontrata.

Përkatësisht; për vitin 2016 janë paguar 125 milionë lekë të reja.

Për vitin 2017 janë paguar 640 milionë lekë të reja.

Për vitin 2018 janë paguar 750 milionë lekë të reja.

Për vitin 2019 janë paguar 750 milionë lekë të reja.

Pra firma ka marrë më shumë se gjysmat e lekëve dhe investimin e ka filluar më paratë e taksave të shqiptarëve duke u favorizuar nga qeveria pa garë të hapur ndërkombëtare, dhe pas gati katër vitesh inceneratori nuk është përfunduar ende.

Megjithëse justifikimi ka qënë shpesh herë përplasja me banorët e zonës apo akuzat e opozitës, duhet thënë se janë 28 milion euro nga taksat e shqiptarëve që nuk dihet se ku kanë përfunduar./CNA.al

Dokumentet ekskluzive-Skandali me inceneratorin e Fierit/ Si u zhvatën dhjetëra milion euro nga taksat e shqiptarëve

Skandali/ Qeveria 50 milion euro kompanive pa asnjë lek

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë

Ndërtimi i inceneratorit në Fier/ Banorët hidhen në protestë