web counter
LEXO PA REKLAMA!

SHKARKO APP

App Store
Google Play

Rama tregon pse është vonuar shpërndarja e pagave/ "Deri në fillim të javës tjetër do ketë përfunduar"

16 Prill 2020, 19:35, Sociale CNA

Kryeministri Edi Rama ka treguar se përse kategoria e parë nuk është paguar akoma e gjitha ndonëse po hyjmë në javën e tretë të prillit.

Rama tha se pagat nuk janë shpërndarë të gjitha, pasi theksoi se Dejtoria e Tatimeve është duke kryer përpos verifikimeve tjera edhe verifikime në terren.

Sipas kreut të qeverisë, pagat e paketës së parë do të kenë përfunduar deri në fillimin e javës tjetër dhe do fillojnë të shpërndahen pagat e paketës së dytë.

“Pagat e paketës së parë janë vonuar për shkak se janë bërë verifikime dhe në terren. Të gjithë ata që përfshihen në këtë kategori do të marrin pagën, kjo nuk diskutohet. Praktikisht në fillim të javës së ardhshme do jetë përfunduar shpërndarja dhe në fillim mtë javës së ardhshme do fillohet shpërndarja e pagave të paketës së dytë.

400 mijë lekë për të përballuar këtë fazë të ndërmjetme, nuk janë shumë por nuk janë as pak. Në këtë situatë asgjë nuk është asnjëherë maksimumi, por mendoj se një pagë 400 mijë lekë për këtë kategori, një pjesë e madhe e së cilës ka punuar me xhiro të reduktuar, një pjesë e të cilëve është larguar më 10 prill, pra para pak ditësh, nuk është pak”, deklaroi kryeministri në një lidhje me emisionin “Opinion”./ CNA.al





Lajmet e fundit nga