web counter
LEXO PA REKLAMA!

SHKARKO APP

App Store
Google Play

Shpresë për betejen me Covid-19/ Epidemiologu shpjegon si po funksionon heparina tek të sëmurët

15 Prill 2020, 07:35, Lifestyle CNA

Mjeku epidemiolog Ilir Alimehmeti foli sot për preparatin mjaft të diskutuar së fundmi, heparinën, që është aplikuar tek pacientët me koronavirus.

Në një intervistë me Enkel Demin në ?Abc-ja e mëngjesit?,  ai sqaroi se një gjë e tillë është propozuar nga shoqata e trombozës.

Siç sqaron Alimehmeti,  kjo mund të përdoret tek pacientët vetëm nëse rekomandohet nga mjeku, pasi bëhet fjalë për një hollues gjaku dhe jep efekte anësore.

?Heparina nuk ndikon tek imuniteti. Shkaqet e vdekjes do i marrim vesh vetëm pasi të fillojnë autopsitë tek personat që kanë pësuar fatalitetin. Në këtë moment ne do zbulonim mekanizmin se si ky vepron duke shkaktuar një vdekje. Dhe këto nisën në Itali para pak javësh dhe 100 rastet e para treguan që shumica dërrmuese e këtyre rasteve kishte një sëmundje që ne e quajmë kit. Pra formimi i trombeve nëpër enët e gjakut, të cilat ngecin në pulmon dhe bllokojnë rrjedhjen e gjakut në mushkëri. Si rrjedhim sado oksigjen që ne mund të jepnim përmes intubimit nuk kalonin dot në gjak, pikërisht se gjaku nuk shkon në pulmone. Gjithashtu këto trombe mund të shkojnë edhe në zemër, edhe në tru, si rredhim ky është shkak shumë i njohur i vdekjes?, tha ai.

Po ashtu ai tha se heparina eshte një preparat që mund të përdoret në luftën kundër koronavirusit.

“Ajo po përdoret gjerësisht në botë, por po përdoret në rastet e moderuara deri të rënda. Është një mjekim që përdoret për shumë kohësh edhe në Shqipëri, mirëpo është parë pavarësisht se ka një efekt që është një reduktim me 32% të vdekshmërisë te pacientët rëndë, pra 1 në  nuk është pak, efekti më i madh edhe dhënë nga shoqata e trombozës është që duhet dhen te pacientët që në ditët e para, pa pritur që ata të jenë rëndë dhe për këtë ka nisur edhe studimi zyrtarisht dje në Itali.”-tha mjeku.





Lajmet e fundit nga