web counter
LEXO PA REKLAMA!

SHKARKO APP

Mesazh shprese për jetën/ 34 bebe vijnë në jetë në 24 orët e fundit në Tiranë mes epidemisë së Covid-19

11 Prill 2020, 08:34, Sociale CNA

Në 24 orët e fundit në dy martenitetet e Tiranës kanë ardhur në jetë 34 foshnja, duke përcjellë kështu një mesazh shprese për vijimësinë e jetës.

Lajmi i mirë në këto ditë të vështira ku po luftohet me koronavirusin është shpërndarë nga ministrja e Shëndetësisë, Ogerta Manastirliu.

Në mesazhin e saj, Manastirliu shkruan se jeta triumfon pavarësisht epidemisë që ka prekur gjithë botën.

“Edhe pse në një periudhë të vështirë për të gjithë sistemin shëndetësor për shkak të situatës së epidemisë së shkaktuar nga COVID-19, jeta triumfon. 24 orët e fundit kanë qenë të pazakonta në kryeqytet ku kanë lindur plot 34 bebe në dy maternitetet e Tiranës! Në të gjithë vendin, gjatë këtij muaji në përballjen me #COVID19, në maternitetet tona nga veriu në jug të vendit kanë ardhur në jetë 1470 fëmijë. Fëmijët janë mrekulli!”, shkruan ministrja.





Lajmet e fundit nga