web counter
LEXO PA REKLAMA!

SHKARKO APP

App Store
Google Play

E fundit!

x

Meta në Shkodër/ Duhet forcim i bashkëpunimit midis autoriteteve qendrore dhe vendore

7 Prill 2020, 12:33, Sociale CNA

Presidenti Ilir Meta zhvilloi sot një takim me Prefektin e Qarkut të Shkodrës, Çesk Millja, kryetar i Komisionit lokal të Emergjencave, si dhe Drejtorin e Shëndetit Publik, Dr.Astrit Beci.

Meta bën me dije se u njoh me situatën dhe përpjekjet e autoriteteve vendore për të ndihmuar banorët e prekur nga pandemia COVID-19 dhe për masat e marra për menaxhimin e situatës.

?U shpreha solidaritetin dhe mbështetjen time për të gjithë banorët e prekur të Qarkut Shkodër të cilëve ju uroj shërim të shpejtë. Theksova domosdoshmërinë e rritjes së efikasitetit të masave që duhen marrë për mbrojtjen e shëndetit të çdo qytetari, si dhe rëndësinë e forcimit të mëtejshëm të bashkëpunimit midis autoriteteve qendrore dhe vendore, me qëllim izolimin e përhapjes së mëtejshme të këtyre rasteve dhe ndërgjegjësimin e qytetarëve për respektimin e të gjitha udhëzimeve dhe kufizimeve të bëra publike?, shkruan Meta.

Ai thekson se është besimplotë se qytetarët e Shkodrës, në bashkëpunim të ngushtë me njëri-tjetrin, si dhe me institucionet do ta përballojnë me sukses edhe këtë sfidë./CNA.al





Lajmet e fundit nga