E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

"Po shkelen të drejtat"/ PD i kërkon llogari qeverisë për shqiptarët e mbetur në kufi

5 Prill 2020, 15:27, Politikë CNA

Sekretari i Marrëdhënieve me Jashtë në PD Arben Kashahu ka reaguar ashpër për shqiptarët e bllokuar jashtë traut të kufirit grek.

Kashahu ka publikuar një video të shqiptarëve dhe thotë se kjo që po bën qeveria është një eksperiment të rëndë humanitar dhe ligjor, ndërsa pretendon se këtu po shkelen të drejtat e njeriut dhe konventave ndërkombëtare.

“Kushtet çnjerëzore të qytetarëve tanë në kufi, të mbushin me revoltë njerëzore, kombëtare e ligjore. Pamjet e qytetarëve tanë të bllokuar në pikën kufitare të kapshticës, të lënë në kushte primitive, janë prova e sjelljes anti-njerëzore dhe anti-ligjore e qeverisë ndaj qytetarëve të saj. Është eksperiment i rëndë humanitar, bllokimi i kufijve për shtetasit tanë nga qeveria duke i ekspozuar ato ndaj përballimit të kushteve të vështira ambjentale në një kohë shumë të gjatë, dhe rrezikuar jetën nga paushqyerja, të ftohtët, pa ndihmë mjekësore, si të ishin robër lufte. Edhe ndaj këtyre të fundit do të duhej të tregohej më shumë humanizëm sipas këndit tim.

Është një eksperiment i rëndë ligjor, sepse e drejta për t?u kthyer në vendin e tyre ?The Right of Return? është e saksionuar në një numër të madh konventash ndërkombëtare ku Shqipëria është pjesë. Kujtoj këtu nenin 13 të Deklaratës Universale të të Drejtave të Njeriut (UDHR); nenin 12, pika 4 te Konventës Ndërkombëtare të të Drejtave Politike dhe Civile (ICCPR); nenin 49 të Konventës së Katërt të Gjenevës; nenin 5 pika d, të Konventës për Eleminimin e të Gjithë Formave të Diskriminimit; dhe nenin 20 të Rregullores së Hagës”, thuhet në deklaratën e tij.

Demokrati thekson se kjo është një nga precedentët që e drejta ndërkombëtare do të trajtojë e fiksojë në listën e shkeljeve brutale të kësaj të drejte nga një shtet si Shqipëria.

Sipas tij, moslejimi i shqiptarëve të hyjnë në tokën e tyre kondiderohet nga e drejta kombëtare dhe ndërkombëtare si krim./ CNA.al