web counter
LEXO PA REKLAMA!

SHKARKO APP

App Store
Google Play

E fundit!

x

Kalo mesazh qytetarëve/ "Jemi ende larg fundit të betejës, ju lutem na dëgjoni"

1 Prill 2020, 19:00, Lifestyle CNA

Mjeku i njohur infeksionist, Tritan Kalo, ka dhënë një mesazh për të gjithë qytetarët gjatë këtyre ditëve të karantinimit.

Në një postim në rrjetet sociale, Kalo thotë se jemi ende larg fundit të kësaj beteje me koronavirusin, por i kërkon qytetarëve që t’i dëgjojnë mjekët dhe të respektojnë rregullat. Ai thekson se kështu do t’ja dalim të gjithë bashkë, pa asnjë dyshim.

“Dita e parë e një muaji të ri. Beteja ndaj COVID-19 vazhdon dhe fundi i saj ende larg, por ka edhe dritë në fund të këtij tyneli. Dita fillon me takimin e mëngjesit me ekipin e rojes: Infeksionistë, reanimatorë, infermjerë e staf ndihmës. Shkëmbehen mendime, eksperienca, përcaktohen platforma ndjekje për të bërë të gjithë, më të mirën e mundëshme në ndihmë të të prekurve nga Sars-Cov2/COVID-19. Jemi të gjithë në vijën e parë të betejës. Disa përkohësisht të tërhequr nga ?linja e parë e frontit? të prekur prej këtij virusi tinzar.

Janë në mjekim në kushte shtëpie apo spitali, por pavarësisht këtyre rrethanave të përkohëshme ata/ato mbeten për çdo çast shpirtërisht pjesë e jona. Puna në ekip kurdoherë ka dhënë e jep më shumë rezultate, në dallim me ndonjë protagonizmin të kërkuar ose të ofruar. Koha kërkon vetëm e vetëm bashkëpunim e mirëkuptim profesional. Jemi të gjithë në të njejtën anije, e cila ?lundron mes dallgëve të egra të stuhisë mbarëbotërore Covid-19?. Ju lutem na dëgjoni dhe na respektoni. Ju duam, po ju gjindemi dhe kurdoherë do të jemi pranë jush. Bashkë ne do ja dalim pa as më të voglin dyshim”, shkruan mjeku./ CNA.al





Lajmet e fundit nga