web counter
LEXO PA REKLAMA!

SHKARKO APP

App Store
Google Play

E fundit!

x

Masat ndaj koronavirusit/ Bashkia Korçë vendos rregulla për çdo njësi tregtimi

25 Mars 2020, 09:16, Sociale CNA

Bashkia e Korçës ka publikuar në faqen e saj zyrtare rregullat për çdo njësi tregtimi për të parandaluar përhapjen e koronairusit që po rrezikon jetën e të gjithëve.

Këto janë rregullat e vendosura nga Bashkia Korçë për ruajtjen e shëndetit dhe jetës suaj në çdo njësi tregtimi:

Punonjësit e çdo njësie shërbimi duhet që në të gjitha proçedurat e punës të ruajnë distancën prej 1.5 – 2 METRA me njëri tjetrin dhe me klientin, si dhe të jenë të pajisur me mjete mbrojtëse (doreza, maska).

Çdo njësi tregtimi duhet të PËRCAKTOJË DHE AFISHOJË numrin maksimal të klientëve të cilët duhet të jenë brenda saj në të njëjtën kohë në varësi të respektimit të distancës së lejuar. Kjo ndryshon nga njësia në njësi në varësi të madhësisë së ambientit.

Në njësitë e tregtimit të fruta perimeve NDALOHET VETËSHËRBIMI NGA ANA E KLIENTËVE. Produktet do të futen në qese nga punonjësi i njësisë në bazë të kërkesës së klientit i cili pret në vendin ku respektohet distanca e sigurt dhe e lejuar.

Çdo njësi do të ketë të piketuar një vend për të organizuar një RRADHË PRITËSE, ME DISTANCË 1.5 – 2 METRA MIDIS KLIENTËVE. Mundësisht të jenë të shënuara në trotuar vendqëndrimet pasi shumë njerëz kanë vështirësi në llogaritjen e distancës.

Njësitë që tregtojnë bukë, t?i nënshtrohen përcaktimit të rradhës si të gjitha njësitë e tjera, por PERSONELI QË JEP BUKËN APO PRODUKTIN NUK DUHET TË PREKË KARTMONEDHAT APO MONEDHAT. Rekomandohet të jetë një personel i posaçëm për veprimet me monedhat.

?Në rast se konstatoni shkelje të këtyre rregullave në njësinë ku ju jeni ju lutemi telefononi në numrin 0677175215!
Jemi të bindur në bashkëpunimin tuaj në zbatimin e këtyre rregullave për qëllimin e përbashkët të ruajtjes së shëndetit dhe jetës së populates?, thuhet më tej në njoftimin e Bashkisë së Korçës./CNA.al





Lajmet e fundit nga