web counter
LEXO PA REKLAMA!

SHKARKO APP

App Store
Google Play

E fundit!

x

“Situata është serioze”/Pipero thirrje qytetarëve: Është koha për të respektuar këshillat

15 Mars 2020, 19:46, Politikë CNA

Mjeku infeksionist Pëllumb Pipero, ka reaguar sërish në lidhje me situatën nga koronavirusi në vendin tonë.

Në një lidhje me News 24, Dr.Pipero foli lidhur me medikamentet që përdoren në botë për të trajtuar simptomat e pacientëve të infektuar me COVID-19, ndërsa  tha se ato po përshtaten edhe për Shqipërinë, por këshilloi qytetarët të mos përdorin medikamente pa lejen e mjekut specialist.

?Situata është serioze në të gjitha aspektet, si në numra edhe raste të shtuara, problematikave apo të përjetimit dhe përgjigjes së popullatës në mënyra të ndryshme.

Asnjë mjek nuk bën eksperiment me ilacet, kolegët në Kinë, Itali apo vende të tjera kanë përdorur medikamente të ndryshme, qoftë ato me natyrë antivirale, si Tamiflu, apo klorofina apo imunodepresor apo një medikament antiremautizmal, Tocilizumab, me rezultate të kënaqshme.

Të gjitha medikamentet janë bazuar në eksperiencën e gjatë të mjekëve respektivë, apo në principin e tyre aktiv, por duhet të dini që deri tani ende nuk kemi një medikament të aprovuar kundër COVID19, kështu duhet të jemi të kujdesshëm për trajtimet.

Dimë që trajtimi i këtij virusi është suportiv është simptomatik, oksigjenoterapia luan rolin kryesor, dhe imuniteti bën kërkesën e rëndësishme në përballimin e sëmundjes. Është edhe një medikament që përdoret në trajtimin e HIV/AIDS që është përdorur me sukses nga kolegët, ndaj në vijimësi të eksperiencave të kolegëve tanë edhe ne po përshtasim këto mjekime.

Gjej momentin t?i këshilloj qytetarët të mos përdorin medikamente pa lejen e mjekut të familjes. Është koha për të respektuar këshillat e nëse kanë probleme apo histori udhëtimi të kontaktojnë autoritetet. Pra, nëse kanë temperaturë të lartë, kollë e vështirësi në frymëmarrje të marrin 127, për ti vajtur ndihma apo këshilla në shtëpi.? /CNA.al





Lajmet e fundit nga