web counter
LEXO PA REKLAMA!

SHKARKO APP

Gazment Bardhi publikon videon/ Akuza Ramës dhe Manastirliut

11 Mars 2020, 20:23, Politikë CNA

Sekretari i Përgjithshëm i PD-së, Gazment Bardhi, ka reaguar, pas deklaratave të kryeministrit Edi Rama dhe ministres së Shëndetësisë, Ogerta Manastirliu.

Bardhi ngre akuzat se Rama dhe Manastirliu po gënjejnë publikisht njerëzit për koronavirusin, ndërsa ka publikuar edhe një video që ka të bëjë me vdekjen e të moshuarës në Durrës.

Sipas tij, dëshmia e zv.ministres së Shëndetësisë dhe Mbrojtjes Sociale, Mira Rakacolli, e nxjerr zbuluar propagandën e rrezikshme të qeverisë.

?Është fakt që qeveria shpërndau 1.2 milionë maska të skaduara për personelin shëndetësor. Është fakt që qendrat shëndetësore dhe shumica e spitaleve nuk kanë mjetet e duhura për të përballuar situatën. Është fakt që e moshuara në Durrës, që u nda nga jeta, u mbajt në dhomë për disa ditë me pacientë të tjerë. As gënjeshtrat ndaj qytetarëve dhe as sulmi ndaj opozitës nuk e mbulojnë dot paaftësinë dhe mungesën e përgatitjes së qeverisë. Shikoni vetë më poshtë sesi dalin sheshit gënjeshtrat e qeverisë për rastin fatal në Durrës?, shkruan ai krahas videos./ CNA.al





Lajmet e fundit nga