web counter
LEXO PA REKLAMA!

SHKARKO APP

App Store
Google Play

E fundit!

x

“3.5 milion dollarë nuk mjaftojnë”/ Basha thirrje qeverisë për fondin e vënë në dispozicion

11 Mars 2020, 16:31, Politikë CNA

Kryetari i opozitës, Lulzim Basha, ka dalë në një deklaratë për shtyp lidhur me situatën në të cilën ndodhet vendi nga koronavirusi, i cili ka konfirmuar tashmë rastet e para dhe një viktimë.

Basha këshilloi qytetarët që të ndiqet me kujdes protokolli i masave, ndërsa qeverisë i kërkoi të sigurojë kushtet për mjekët dhe infermierët të cilët janë të parët që bien në kontakt me pacientët.

Gjithashtu lideri i demokratëve i bëri thirrje qeverisë të vërë në dispozicion një shifër më të madhe fondesh për betejën ndaj koronavirusit, pasi, sipas tij: 3.5 milionë dollarë nuk mjaftojnë.

?Dua të përsëris thirrjen ndaj qeverisë që të sigurojë pajisjen dhe aparaturat për mjekët dhe stafet. Nëse nuk arrijmë t’i mbrojmë, si mund të mbrojmë njerëzit, nëse të parët që goditen janë mjekët?! Kush do të kujdeset. Pajisjet kanë evoluar. Sipas ekspertëve është e mundshme që të merren në përdorim aparatura që e shkurtojnë analizën në 40-45 minuta, ndaj qeveria të akordojë fondet për pajisjet e duhura për pacientët bartës, pasi do të mundësonte testimin më itensiv duke parandaluar përhapjen. Aparaturat e evoluara janë sot në treg dhe jam i bindur që me akordimin e fondeve, edhe Shqipëria mund të përfitojë. Kjo është thirrja kryesore. 3.5 mln dollarë nuk mjaftojnë, Britania ka akorduar 30 miliard, Italia miliarda, fondi jonë nuk mjafton dhe nuk mund të fshihet pamundësia për të përballuar gjendjen me akte vetëndërgjegjësimi?, nënvizoi Basha./ CNA.al





Lajmet e fundit nga