web counter
LEXO PA REKLAMA!

SHKARKO APP

App Store
Google Play

Akuzat e PD për maskat/ Rama "i tregon dhëmbët" Bashës: Ti Lulzim ke rastin të dukesh si unë

10 Mars 2020, 16:41, Politikë CNA

Ndonëse pak më parë e përgëzoi për qëndrimin e mbajtur dje, kryeministri Edi Rama ka reaguar sërish për kryetarin e opozitës Lulzim Bashën, por këtë radhë me tone të ashpra.

Basha deklaroi se mjekët dhe infermierët po punojnë në kushte të papërshtatshme dhe përforcoi akuzën e opozitës se personelit shëndetësor u janë shpërndarë maska të skaduara.

Ndërkohë, kreu i qeverisë doli me certifikatë në dorë në deklaratë për mediat dhe kundërshtoi opozitën, pasi pretendon se maskat janë në efikasitet të plotë dhe nuk janë të skaduara.

“Kjo është certifikata o të nderuar kolegë dhe kundërshtarë që akoma dhe sot kur ju thuhet drejtpërdrejt në sy të gjithë popullit shqiptar jeni gabim, se dhe sikur të ishte konstatuar një problem që nuk ekziston nuk duhet të përhapnit panik.

Nëse doni të monitoroni, ejani bëjeni bashkë me ne dhe na ndihmoni, por përkundrazi i hidhni njjerëzve helm në gjakun e tyre të trazuar. Ja certifikata e cila quhet ekzaktësisht “Përshkrimi antimikrobial për maskat e fytyrës”. E bën shumë të qartë që data e skadencës që rrëmoni ju nuk ka lidhje fare, jep të dhëna shumë specifike mbi përshkrimin dhe efikasitetin e atyre.

Ne këto nuk i çuam në sallën e kirurgjisë, aty ku këto përdoren dhe megjithëse parametrat i kanë si përqindje reduktimi të efektit, i cojmë për përdorim të përditshëm të sistemit shëndetësor. Këto maska janë të prodhuara nga SHBA dhe të ardhura nga ?Bijtë e Shqipes?, një organizatë humanitare. Nuk u asgjësuan si mall, por u pa e arsyeshme të ruheshin. Keni rastin të dukeni si ne. Ti Lulzim ke rastin të dukesh si unë për një periudhë të shkurtër, nuk të del keq. Boll dole atje, duke vazhduar t?i biesh fyellit në po atë vrimë se vetëm zvogëlohesh, kjo është luftë, nuk është lojë?, tha Rama./ CNA.al





Lajmet e fundit nga