web counter
LEXO PA REKLAMA!

SHKARKO APP

App Store
Google Play

E fundit!

x

Presidenca ngre Task Forcë për koronavirusin/ Njoftim për qytetarët që lë pas dore qeveria

9 Mars 2020, 19:48, Politikë CNA

Në kuadër të përballimit dhe tejkalimit me pasoja sa më të lehta të koronavirusit që ka prekur vendin tonë, Presidenca ka ngritur një njesi “Task Forcë”.

Lajmin e bën të ditur zëdhënësi i Ilir Metës Tedi Blushi, i cili thotë se Task Forca do të jetë nën drejtimin e këshilltarit për Sigurinë Kombëtare, Bahri Shaqiri.

Blushi deklaroi po ashtu se ngritja e kësaj njesie ka si qëllim bashkërendimin me të gjitha strukturat shtetërore, monitorimin në terren, nxitjen dhe marrjen e të gjithë masave institucionale për përballimin e pandemisë së koronavirusit, aktivizimin dhe afrimin e të gjitha mundësive, kapaciteteve dhe forcave të kualifikuara njerëzore dhe shkencore, shumë të nevojshme.

Presidenca fton të gjithë qytetarët të cilët kanë shqetësime, por që nuk marrin trajtimin e duhur mjekësor, nuk u kushtohet vëmendja e duhur dhe konstatojnë nënvlerësime në marrjen e masave të domosdoshme, të kontaktojnë pa hezitim në adresën e email të vendosur në dispozicion: [email protected] dhe në dy numrat celularë: +355 69 343 5861; +355 69 335 4269.

Blushi thekson se të gjithë duhet të tregojmë përgjegjshmëri dhe bashkëpunim maksimal për të mbrojtur shëndetin e çdo qytetari./ CNA.al





Lajmet e fundit nga