web counter
LEXO PA REKLAMA!

SHKARKO APP

App Store
Google Play

E fundit!

x

Po e gënjejnë apo po na gënjen Presidenti?

3 Mars 2020, 12:26, Politikë CNA

Dje Presidenti nuk na zhgenjeu!

Të mbledhur në sheshin përpara presidences, në një miting të thirrur prej tij, ishin përveç Lulzim Bashës edhe rreth 3.000 militantë të tjerë të PD, që megjithë paralajmerimet e CNA.al për llojin e dekretit që do firmoste Metaj, kishin dalë gjithsesi që t?i jepnin kurajon e mjaftueshme Ilir Metës që të firmoste dekretin e premtuar.

Prej Nentorit, Ilir Metaj nuk ka humbur asnjë rast pa i bërë ata 3.000 vetë që besojnë tek sinqeriteti i Presidentit, që të shpresojn edhe tek firma e tij. Me lojera fjalësh, prej një muaji Metaj flet për një dekret, pa sqaruar se për cilin bëhej fjalë, që të gjithë të besonin se do firmoste shpërndarjen e Kuvendi.

Ata që besuan dhe ata që nuk rrinin dot pa u dukur në miting, dje shkuan duke shpresuar që më në fund Presidenti ta firmoste atë të uruar dekret. Dhe dje të gjithë pamë një skenografi teatri të realizmit socialist, ndërsa dëgjonim në sfond këngën “Për ty Atdhe”, të cilën këngëtarët e këndonin duke i hequr vargjet për Atdheun, duke bërë që ai që e degjonte për herë të parë të besonte se kënga ishte shkruar për Ilir Metajn. Dhe ndërsa në sfond degjohej kënga “Për ty Atdhe” në versionin “Për ty Metaj”, Ilir Metaj i zhgënjeu të gjithë. Presidenti firmosi një dekret të zakonshme për kthimin për rishqyrtim të një ligji. Sepse Presidenti nuk e shpënrdan dot Kuvendin.

Nuk ka asnjë dispozitë të vetme të Kushtetutës, asnjë paragraf që autorizon Ilir Metaj të shpërndajë Kuvendin kur në detyrë është një Kryeministër që ka të garantuara votat në Kuvend. Që Ilir Metaj të shpërndajë Kuvendin, duhet që të gjejë një Kryeministër që të kërkojë votëbesimin në Kuvend, duke ja hequr votat kryeministrit ekzistues. Për aq sa shkruan Kushtetuta, Ilir Metaj mundet që më kollaj e ka të kandidojë vetë për Kryeministër, sesa të gjejë ndonjë dispozitë të Kushtetutës që i jep të drejtën të nxjerrë dekretin që ka një muaj që e premton e që dje e shtyu për në datën 15. Opsionet janë vetëm dy!

Ose Ilir Metajn po e gënjejnë këshilltarët e vet dhe për këtë bën mirë që mos lexojnë vetëm ato që i shkruajnë por të hapë një herë atë librin format A4 të Kushtetutës. Të përpiqet të lexojë një herë vetë e mos ua lerë veten në dorë të tjerëve. Ose Ilir Metaj po gënjen prej një muaji dhe gënjeu prap dje ose ata 3.000 militantë të PD mbase po vazhdojnë ta besojnë e po presin datën 15 Mars.

Atë ditë i lutemi Metajt që ta verë në origjinal këngën “Për ty Atdhe”. Që shqiptarët të kuptojnë që ai shkëmbi i granitit për të cilin flet kënga, nuk është Metaj, por ky Atdheu ynë hallemadh, që vazhdon të mos përkulet megjithë sërën e bijve të vet plangprishës, si Ilir Metaj./CNA.al





Lajmet e fundit nga