E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

“Mezhgorani” fundos një tjetër person/ Arrestohet i riu në Gjirokastër

29 Shkurt 2020, 19:49, Kronika CNA

Arrestohet një tjetër person i shpallur në kërkim, në sajë të operacionit ?Mezhgorani?, që ka çuar edhe në ndalimin e pronarit të UET-së Henri Çilit.

Mësohet se policia e Gjirokastrës ka vënë në pranga shtetasin me iniciale A. Ç., 25 vjeç, banues në Këlcyrë, për të cilin Gjykata e Rrethit Gjyqësor Përmet ka caktuar masën e sigurisë ?Arrest në burg?, për veprën penale ?Organizim i lotarive të palejuara?.

Një ditë më parë, pas një hetimi 6-mujor, në funksion të procedimit penal të regjistruar në vitin 2019, për veprën penale ?Falsifikimi i kartëmonedhave?, blutë arrestuan një sërë personash.

Ata akuzohen për veprat penale ?Prodhimi dhe shitja e narkotikëve?, ?Ushtrimi i ndikimit të paligjshëm ndaj personave që ushtrojnë funksione publike?, ??Falsifikimi i dokumenteve dhe kartëmonedhave?, ?Mbajtja pa leje e armëve të zjarrit dhe lëndëve plasëse?, ?Organizimi i lotarive të palejuara?, ?Pastrimi i produkteve të veprës penale apo veprimtarisë kriminale?, ?Fshehja e të ardhurave?, ?Mashtrimi?, Moskallëzimi i krimit?, ?Përkrahja e autorit të krimit? dhe ?Shpërdorim detyre?.

Gjatë operacionit që ka zgjatur 6 muaj janë arrestuar, ndaluar dhe proceduar 53 shtetas.

Këtyre personave u janë sekuestruar 3 pushkë automatike me silenciator, 2 kallashnikov, 10 kallëpe tritol, 620 fishekë, 2 granata difensive, 71 krehër fishekësh, 20 automjete te markave të ndryshme, 40 telefona celular, dokumente noteriale, kontrata, certifikata pronësie të ndryshme, rreth 130 kg kanabis, shuma prej 10 milion lekësh, 7500 euro, si dhe 3500 euro të dyshuara të falsifikuara.

Në këtë operacion u angazhuan 15 grupe të reparteve të FNSH Shkodër, Fier e Tiranë, Forca e Posaçme Operacionale në Policisë e Shtetit dhe shërbimet e DVP Gjirokastër, Tiranë, Durrës, Elbasan, Fier e Shkodër.

Ndërkohë, policia deklaron se po vijon puna për kapjen e shtetasve të tjerë të shpallur në kërkim në kuadër të operacionit ?Mezhgorani?./ CNA.al