web counter
LEXO PA REKLAMA!

SHKARKO APP

App Store
Google Play

E fundit!

x

Koronavirusi/ Kur dhe si duhet të përdoren maskat?

25 Shkurt 2020, 15:45, Sociale CNA

Përhapja e koronavirusit përtej kufijve të Kinës, me shpejtësi të madhe, duket se po mban në ankth gjithë botën.

Një nga vendet më të prekura është dhe Italia fqinje ku deri më tani kanë humbur jetën shtatë persona, ndërsa 232 të tjerë rezultojnë të infektuar.

Fakti që koronavirusi është kaq pranë nesh, ka shkaktuar panik edhe në vendin tonë.

Mjekët bëjnë vazhdimisht thirrje për kujdes të shtuar të higjienës dhe përdorimin e maskave.

Por kur duhet përdoru maska? Si duhet përdorur? Sa duhet mbajtur dhe ku duhet ta hedhësh pas përdorimit?

Lidhur me këto ptyetje Instituti i Shëndetit Publik ka dhënë disa këshilla mjaft të vlefshme për çdo qytetarë

Sipas ISHP-së, për njerëzit e shëndetshëm, të pa infektuar, përdorimi i maskës duhet bërë vetëm në rastet kur ai apo ajo po i shërbejnë një tjetër personi, i cili dyshohet se mund të jetë i infektuar me coronavirus.

Por, kur duhet vendosur maskë? Vendosni maskë, nëse ju teshtini ose kolliteni. Maskat janë efektive vetëm kur përdorimi i tyre kombinohet me larjen e shpeshtë të duarve me solucione me bazë alkooli, apo me ujë dhe sapun. Nëse ju do përdorni maskë, duhet të dini edhe si ta vendosni, si ta hiqni, por edhe ku duhet ta hidhni pas përdorimit.

Si përdoret maska?

Mbuloni fytyrën dhe hundën me maskë, dhe sigurohuni të mos lini hapësira midis maskës dhe fytyrës.

Para se ta vendosni maskën pastroni duart me solucion me bazë alkooli ose lajini me ujë e sapun.

Gjatë përdorimit evitoni prekjen e maskës me duar; dhe, nëse e prekni, lani duart me ujë e sapun ose pastrojini ato me solucione me bazë alkooli.

Zëvendësoni maskën me një të re sapo të ndjeni që është e qullur dhe mos e përdorni përsëri maskën njëpërdorimshme.

Kur ju duhet ta hiqni maskën: hiqeni duke e kapur nga pas (mos e prekni maskën nga përpara); Hidheni menjëherë në një kosh të mbyllur; pastroni duart me solucion me bazë alkooli ose lajini me ujë e sapun./CNA.al





Lajmet e fundit nga