web counter
LEXO PA REKLAMA!

SHKARKO APP

App Store
Google Play

E fundit!

x

“KÇK nismë anti-kushtetuese”/ Braimllari akuza Ramës

8 Shkurt 2020, 16:27, Politikë CNA

Ish-deputeti i LSI-së Endrit Braimllari ka ngritur akuza ndaj kryeministrit Edi Rama për paketën Anti-KÇK.

Nëpërmjet një deklarate për mediat, Braimllari e cilëson këtë paketë si një nismë antikushtetuese që po bëhet për të tërhequr vëmendjen nga problemet me të cilat po përballet vendi.

Sipas tij, krimi i organizuar nuk luftohet me propagandë, por luftohet me strategji dhe vullnet të qeverisë.

Ish-deputeti pretendon se në këto 7 vite kryeministri dhe qeveria e tij ka fuqizuar krimin e organizuar duke e mbështetur dhe duke i përdorur në fushatë për interesin e tij, duke përmendur këtu përgjimet zyrtare të dosjeve 184 dhe 339.

?Përpjekjet e Edi Ramës për të kapur Gjykatën Kushtetuese janë të qarta sepse ai kërkon të ligjërojë paligjshmërinë e tij dhe të qeverisë së tij. Kalimi në Parlament i një ligji i cili kërkon të marrë një kompetencë kushtetuese të institucionit të Presidentit të Republikës mbi betimin e anëtarëve të Gjykatës Kushtetuese tregon qartë që Edi Rama dhe deputetët e tij ilegjitim janë tanimë një grup i strukturuar kriminal që duan të shkatërrojnë reformën në drejtësi duke kapur çdo institucion në këtë vend edhe duke ligjëruar paligjshmërinë etj?, deklaron Braimllari./ CNA.al





Lajmet e fundit nga