E fundit!

18:07 Kosova & Bota

“Koha për ta çuar në vijën e finishit”/ Marta Kos njofton hapin e rëndësishëm të Malit të Zi në rrugën drejt BE-së

Komisionerja europiane për Zgjerim, Marta Kos ka bërë me d...

Pushimin e çështjes së CEZ e ka bërë Arben Kraja

7 Shkurt 2020, 11:15, Politikë CNA

Në vitin 2013 sapo maxhoranca socialiste hyri në zyrat e pushtetit, një tufe ministrash filluan gërmimet mbi dosjet e lançuara politikisht që më parë prej tyre si dosje korrupsioni.

Një nga këto dosje ishte dhe dosja e CEZ.

Publikimi i disa emaileve të zbuluara nga një ish-zyrtar i KESH dhe beteja e opozitës për faljen e borxheve për CEZ duke denoncuar proçesin si korruptiv, nxiti ministrin Gjiknuri të depozitonte kallëzimin për procesin e privatizimit në favor të CEZ.

Me stilin, sulmi është mbrojtja më e mirë, në prokurori u depozitua kallëzimi penal për proçesin CEZ-privatizim.

Pasi prokuroria pushoi cështjen penale, pati një ankimim nga ministria përkatëse pranë Gjykatës së lartë. Gjyjata e Lartë ish-gjykata kompetente për çështjen sa kohë që zyrtaret e përfshirë ne dosje ishin funksionarë politik.

Gjykata e Lartë, konfirmoi vendimin e pushimit të prokurorit të çështjes.

Kohë më pas mazhoranca ngriti një Komision Hetimor për hetimin e çështjes. Në përfundim të hetimit parlamentar, mazhoranca bëri dhe kallëzim penal. Për të njëjtën dosje, me të njëjtat akuza, për të njëjtët zyrtarë të lartë politik.

Çështja u rimbyll nga gjykata me argumentin e gjësë së gjykuar.

Sot Taulant Balla doli në konferencë për shtyp ku midis të tjerave denoncoi prokurorët dhe gjyqtarët e korruptuar që mbyllën për të disatën herë dosjen CEZ.

Për ata që nuk e dinë:

Prokuror i çështjes kur kallëzimi i bë nga ministria e Ramës, ka qënë Arben Kraja.

Po ja lëmë Taulantit të gjejë cili ishte trupi gjykues i Gjykatës së Lartë që konfirmoi vendimin e pushimit të çështjes. Ashtu siç kishte argumentuar Arben Kraja.

Më pas kur Zoti Balla pretendon që çështja duhet të shkojë tek SPAK, situata bëhet edhe më argëtuese.

Taulant Balla praktikisht po kërkon që çështja t?i rikthehet Arben Krajës. Të njëjtit prikuror që sipas tij është një nga të korruptuarit që e mbyllën dosjen./ CNA.al