web counter
LEXO PA REKLAMA!

SHKARKO APP

App Store
Google Play

E fundit!

x

Ahmet Prençi kritikon Policinë e Shtetit/ Është spostuar nga misoni i saj

1 Shkurt 2020, 17:02, Kronika CNA

Ish-drejtori i Policisë së Shtetit Ahmet Prençi ka kritikuar ashpër punonjësit e policisë, të cilët i akuzoi se janë spostuar nga misoni i tyre.

Prençi tha se disa punonjës policie janë bërë palë me krimin e organizuar dhe për këtë theksoi se është e vërtetuar.

Ai tha se në vend që policia të ketë një raport të mirë me qytetarët, është në luftë të vazhdueshme me qytetarët, duke iu referuar ndërhyrjes së tyre në shembjen e banesave te zona e Astirit, apo edhe hedhjes së gazit lotsjellës te protestat e opozitës.

?Jo për të ngjallur panik te njerëzit, por situata është problematike dhe komplekse. Po të analizojmë ngjarjet, janë shumë të rënda, sidomos të fundit, që lidhen me të shkuarën kriminale të aktorëve, që përplasen në këtë arenë të kriminalitetit shqiptar. E gjithë situata lidhet me aktivitetin e paligjshëm dhe lirshmërinë që kanë grupet kriminale në Shqipëri për të ushtruar aktivitetin, aq më tepër shtrirja e tyre jashtë, por të gjithë pasojat përplasen këtu. Edhe ngjarjet e fundit janë pasojë e pazareve të prishura?, u shpreh ai në emisonin ?Kjo javë?.

Sipas tij, grupet e organizuara janë ndihmuar nga punonjës policie dhe janë fuqizuar duke trafikuar drogë në Amerikën latine.

?U krijuan kushtet e përshtatshme për ta bërë vendin tonë vend kanabisi dhe më pas trafikun e saj jashtë. Policia në vend që të ketë një partneritet të mirë me shoqërinë, ka bërë të kundërtën e saj. Nëse ne do donim të kishim një polici në luftë me bandat, ne kemi parë një polici në luftë me qytetarët, që nga arrestimi për energjinë, deri të prishja e banesave, që nuk është punë e policisë. Një element tjetër shumë i rëndësishëm është hetimi dhe zbardhja e ngjarjeve të vjetra, janë mijëra ngjarje të vjetra të pazbuluara. Kjo i shërben shumë parandalimit të krimit?, theksoi Prençi./ CNA.al





Lajmet e fundit nga