web counter
LEXO PA REKLAMA!

SHKARKO APP

E fundit!

x

Shiteshin produkte bulmeti në kushte të papërshtatshme/ Gjobitet tregu në Tiranë

27 Janar 2020, 17:32, Kronika CNA

Autoriteti Kombëtar i Ushqimit ka gjobitur gjatë ditës së sotme, tregun në Institut tek Fabrika e ish tullave në Tiranë, për lejim të tregtimit të produkteve me origjinë shtazore, në kushte të papërshtatshme higjieno-sanitare.

Qytetarët kanë denoncuar se disa tregtarë ambulantë ushtronin aktivitetin ?shitje fruta-perime? dhe disa të tjerë tregtonin edhe bulmet, gjalpë dhe djathë të prodhuar në mënyrë artizanale, pa kushte frigoriferike dhe pa garanci për ruajtjen nga kontaminimi.

Gjatë kontrollit, trupa inspektuese vërejti se këta tregtarë nuk janë të regjistruar në organet tatimore. Tregut i është lënë detyrë të bëjë kontrata ligjore me të gjithë tregtarët që shesin në hapesirën e tij tij dhe të mos lejojë shitjen e produkteve me origjinë shtazore pa kushte të përshtatshme frigoriferike dhe pa miratimin nga drejtoria e AKU Tiranë.

Githashtu për mungesë të kushteve higjeno-sanitare në tregtimin e produkteve ushqimore me origjinë shtazore për njerëz (produkte bulmeti), ndaj subjektit administrues të tregut është marrë masa administrative gjobë me vlerën e 300 000 (treqind mijë lekë)./ CNA.al





Lajmet e fundit nga