web counter
LEXO PA REKLAMA!

SHKARKO APP

App Store
Google Play

81 viktima nga koronavirusi/ Manastirliu: Shqipëria, vend me risk të ulët, janë marrë të gjitha masat

27 Janar 2020, 20:59, Sociale CNA

Koronavirusi ka marrë 81 jetë njerëzish deri më tani, ndërsa raste të reja janë shfaqur në SHBA dhe Europë.

Ndërkaq, ministrja e Shëndetësisë, Ogerta Manastirliu, e ftuar në emisionin ?Real Story? në ?News 24?, theksoi se vendi ynë nuk hyn tek vendet me risk.

Ajo bëri me dije gjithshtu se janë ndërmarrë të gjitha masat për t?i bërë ballë këtij virusi, nëse ndodh që të evidentohen raste.

?Shqipëria për fat të mirë është vend me risk të ulët për koronaviorus. Ne nuk kemi linja direkte me Kinën. Ky është një filter i parë që pengon marrëdhënien direkte të pasagjerëve psh- tiranë-Pekin. Jemi një vend me risk të ulët, për arsye të filtrave që bëhen më parë, në Itali, apo në Stamboll. Ka një sistem karantine për ato vende që me risk të mesëm. Qeveria shqiptare, ministria, ka marrë masat që në momentet e parë, ne jemi pjesë e OBSH-së. Shqipëria nuk është më një nga ato vendet që një situatë emergjence që e gjen të papërgatitur. Ajo organizohet njësoj si vendet e tjera. Qoftë në burimet njerëzore, sa i takon trajnimeve. Pasi në rastin konkret menjëherë sapo OBSH ka nxjerrë udhëzuesit e vet, ne nxorëm urdhër për të marrë masat dhe për të bërë studime. Ekspertët kanë trajnuar ato persona që qëndrojnë dhe realizojnë filtrin.

Psh në aeroportin ?Nënë Tereza? kemi pajisje të tilla, si termometrat me lazer. Çdo protokoll realizohet në bazë të shkallës së rrezikshmërisë. Ne kemi një shkallë të riskut të ulët. Me linjat ajrore, njoftohen strukturat e ministrisë dhe aty bëhen filtrat e parë. Në momentin e vendosjes së këtij protokolli, ne kemi vendosur linja komunikimi kemi vendosur linja protokolli për të na informuar për pasagjerët që vinë tranzit. Jemi me të gjitha linjat në dispozicion në raport me personat që udhëtojnë tranzit.?, tha Manastirliu./CNA.al





Lajmet e fundit nga