web counter
LEXO PA REKLAMA!

SHKARKO APP

App Store
Google Play

E fundit!

x

Transparency International publikon raportin për korrupsionin/ Ja sa pozicione ka humbur Shqipëria  

23 Janar 2020, 07:36, Aktualitet CNA

Organizata ndërkombëtare Transparency International ka publikuar Indeksin e Perceptimit të Korrupsionit për vitin 2019, ku duket se Shqipëria ka humbur shtatë pozicione në krahasim me një vit më parë.

Në raportin e Transparency International radhiten 180 vende dhe territore të botës në bazë të nivelit të korrupsionit në sektorin publik, ku Shqipëria renditetur në vendin e 106 me 35 pikë.

Së bashku me Shqipërinë në vendin e 106 renditet edhe Maqedonia e Veriut, Alergjia, Egjipti dhe Brazili.

Ndërkohë Kosova radhitet e 101-ta me 36 pikë. Krahasuar me vitin e kaluar ka shënuar përkeqësim në luftën kundër korrupsionit, pasi ka qenë në vendin e 93-të, me 37 pikë.

Indeksi i Perceptimit të Korrupsionit të këtij viti (IIK) zbulon se shumica e vendeve po tregojnë pak ose aspak përmirësim në trajtimin e korrupsionit.

Analiza gjithashtu tregon se korrupsioni është më i përhapur në vendet ku paratë mund të rrjedhin lirshëm në fushatat elektorale dhe ku qeveritë dëgjojnë vetëm zërat e individëve të pasur ose të lidhur mirë me ta.

Vendet që kryesojnë këtë renditje janë Zelanda e Re dhe Danimarka, me rezultate 87 secila, pasuar nga Finlanda (86), Singapori (85), Suedia (85) dhe Zvicra (85).

Vendet më të dobëta për sa i përket korrupsionit janë Somalia, Sudani i Jugut dhe Siria me rezultate përkatësisht 9, 12 dhe 13. Këto vende ndiqen nga afër nga Jemen (15), Venezuela (16), Sudan (16), Guinea Ekuatoriale, (16) dhe Afganistan (16)./ CNA.al

 





Lajmet e fundit nga