web counter
LEXO PA REKLAMA!

SHKARKO APP

App Store
Google Play

Super aksioni i RENEA-s për kapjen e të rrezikshmit të Vlorës/ Publikohen pamjet

18 Janar 2020, 10:06, Kronika CNA

Publikohen pamjet nga aksioni i Forcave Speciale Renea si dhe i efektivëve të policisë së Vlorës, për arrestimin e 47-vjeçarit Xhevahir Jonuzi në fshatin Hoshtimë të Vlorës.

Forcat Speciale Renea kanë bërë rrethimin e banesës së shtetasit Xhevahir Jonuzi, 47 vjeç, banues në fshatin Hoshtimë.

47-vjeçari Xhevahir Jonuzi, i dënuar me 25 vite burg për vrasje, hapi zjarr ndaj forcave të Policisë duke rrezikuar jetën e tyre, por mbeti i plagosur gjatë shkëmbimit proporcional të zjarrit.
Xhevahir Jonuzi renditej në listën e policisë si një nga 8 më të rrezikshmit e Vlorës.
Gjatë vendosjes së perimetrit të sigurisë, 47-vjeçari ka parë forcat e Policisë dhe ka dalë me vrap nga banesa me armë zjarri pistoletë, të cilën e mbante në dorë.

Renea i ka bërë thirrje të dorëzohej dhe të hidhte armën e zjarrit, por shtetasi Jonuzi ka hapur zjarr në drejtim të forcave speciale duke rrezikuar jetën e tyre.

Në proporcion të drejtë me zjarrin e personit, Forcat speciale Renea i janë kundërpërgjigjur për ta neutralizuar dhe gjatë shkëmbimit të zjarrit Xhevahir Jonuzi mbeti i plagosur në këmbë.





Lajmet e fundit nga